Rusiyanın Dağıstan Respublikasının Kaspiysk şəhərində DİN regional idarəsinin binasında terakt törətməyi planlaşdıran dəstəyə qarşı əməliyyat keçirilib.
Avropa .info Rusiya KİV-nə istinadən xəbər verir ki, bu barədə Rusiyanın Milli Terrorla Mübarizə Komitəsi məlumat yayıb.
Məlumata görə, martın 5-ə keçən gecə Kaspiysk şəhərində keçirilən əməliyyat zamanı dörd döyüşçü zərərsizləşdirilib.
Toqquşmanın baş verdiyi ərazidən gizli saxlanclar, qumbaraatanlar, əldəqayırma partlayıcı qurğular, əl qumbaraları, avtomatlar, tapançalar və onlara aid sursat aşkarlanıb.
Qeyd edilir ki, Dağıstanda terror planlaşdıran döyüşçülər İŞİD terror qruplaşmasının üzvləri olublar
