Təl-Əvivdə Ayalon şossesinin cənub hissəsini bağlayan israillilər Baş nazir Binyamin Netanyahu hökumətinə səslənib .
Avropa.info xəbər verir ki, Fəallar Qəzzada saxlanılan məhbusların fotoşəkillərini daşıyıb və məhbus mübadiləsinin həyata keçirilməsini tələb edən şüarlar səsləndiriblər.
Məhbus mübadiləsi razılaşması çərçivəsində azad edilən israillilərin fotoşəkillərini daşıyan nümayişçilər Qəzzada saxlanılan məhbusların dərhal geri qaytarılmasını tələb ediblər.
Etirazçılar əllərində məhbus mübadiləsi sazişinin davam etdirilməsi və həyata keçirilməsinin vacibliyini vurğulayan plakatlar qaldırıblar.
Yedioth Ahronoth İsrail polisinin nümayişçiləri magistral yoldan çıxardığını və yolun hərəkətə açıldığını bildirib .
HƏMAS məhbus mübadiləsini dayandırıb
HƏMAS-ın hərbi qanadı İzzəddin əl-Qəssam Briqadalarının sözçüsü Əbu Ubeydə fevralın 15-də baş tutması gözlənilən məhbus mübadiləsinin İsrailin atəşkəs razılaşmasındakı öhdəliklərini yerinə yetirmədiyi səbəbiylə dayandırıldığını açıqlamışdı.
Açıqlamada, dayandırma qərarının məhbus mübadiləsindən 5 gün əvvəl elan edildiyi, bununla da vasitəçi ölkələrə atəşkəs şərtlərinə əməl etməsi üçün İsrailə təzyiq etmək imkanı verildiyi vurğulanıb.
ABŞ prezidenti Tramp, Qəzzada məhbusların şənbə günü günortaya qədər azad edilməməsi halında atəşkəsin ləğv edilməsi lazım olduğunu söyləyərək, “O zaman cəhənnəm dağılar” dedi.
İsrailin baş naziri Benyamin Netanyahu məhbusların azad edilmədiyi təqdirdə “atəşkəs bitəcək və şiddətli hücumlar başlayacaq” deyə hədələyib və orduya Qəzzaya və ətrafına əlavə qüvvələr göndərməyi əmr edib.
