Rusiya prezidenti Vladimir Putin avqustun 11-də Novosibirskə işgüzar səfərə gəlib.
Avropa.info xəbər verir ki, Rusiya prezidentinin proqramı regional məsələlərə, eləcə də elmi-texniki inkişafa həsr olunub.
Rusiya lideri sonuncu dəfə bu regiona 2018-ci ilin avqustunda səfər edib. Həmin səfər zamanı prezident Texnoprom forumunda iştirak edib və Ob şəhərində yeni məktəbə baş çəkib.
Bundan əvvəl, avqustun 10-da Putin Ulan-Udeyə gəlib və orada ictimai nəqliyyatın inkişafı ilə bağlı Dövlət Şurasının Rəyasət Heyətinin iclasını keçirib. Bundan əlavə, dövlət başçısı səfər çərçivəsində Ermakovski mədən-emalı zavodunun istifadəyə verilməsi mərasimində iştirak edib. Rusiya lideri Buryatiyanın rəhbəri Aleksey Tsydenovla da görüş keçirib.
