İsrailin milli təhlükəsizlik naziri İtamar Ben-Qvir baş nazir Benyamin Netanyahunu Britaniyanın idarə etdiyi Malvinas (Folklend) adalarını Argentina ərazisi kimi tanımağa çağırıb.
Avropa.info xəbər verir ki, London rəhbərliyinin işğal altındakı İordan çayının qərb sahilindəki qeyri-qanuni İsrail məskənlərindən gələn mallara sanksiya tətbiq etməyə hazırlaşdığı xəbərindən sonra İsrailli nazirlərdən reaksiyalar gəlməkdə davam edir.
Ben-Qvir, ABŞ-da yerləşən şirkətin sosial media platformasındakı yazısında
İsrailin ifrat sağçı naziri həmçinin iddia edib ki, “Britaniya təkcə ada torpaqlarını işğal etmir, həm də burada neft kəşfiyyatı aparır və Argentina xalqından pul oğurlayır”.
Ben-Qvir Netanyahunu Argentinanın Folklend adaları üzərindəki suverenliyini tanımağa və işğal davam etdiyi müddətcə Britaniyaya qarşı sanksiyalar tətbiq etməyə çağırıb.
İsrailin ifrat sağçı maliyyə naziri Bezalel Smotriç əvvəlki açıqlamasında İngiltərənin qeyri-qanuni İsrail məskənlərindən gələn mallara sanksiya tətbiq edəcəyi xəbərindən sonra İngiltərənin İsraildəki səfiri Saymon Uoltersin dərhal deportasiya edilməsini istəyib.
Folklend adaları
Folklend adalarının suveren statusu uzun illər Britaniya və Argentina arasında problemdir.
İngiltərənin 1833-cü ildə suverenliyini elan etdiyi 12 min kvadrat kilometrlik Folklend adaları Argentinanın cənubunda Atlantik okeanında yerləşir. Britaniyanın dəniz kənarındakı əraziləri olan adalar müdafiə və xarici siyasətdə Britaniyadan asılıdır.
Argentina İspaniyadan müstəqillik əldə etdikdən sonra “Malvinas” adlandırdıqları Folklend adalarını dolayı yolla miras aldıqlarını iddia edir.
2 aprel 1982-ci ildə tarixə “Folklend müharibəsi” kimi keçən və 6 həftə boyunca qarşılıqlı itkilərin yaşandığı müharibədə ingilislər qalib gəldi.
İnsanlar İngiltərəyə sadiq qalmaq istəyirlər
Argentina və İngiltərənin uzun illərdir ki, suverenliklə bağlı mübahisə etdiyi Folklend adalarında 2013-cü ildə referendum keçirilib.
Təxminən 2500 nəfərin yaşadığı adalarda “İngiltərənin xarici ərazisi olaraq qalmaq istəyirsinizmi?” İctimaiyyətin 99,8 faizi suala “Bəli” cavabını verib.
