İnsan fəaliyyəti nəticəsində yaranan iqlim dəyişikliyi Fransada son dağıdıcı meşə yanğınlarına səbəb olan ekstremal hava şəraiti riskini bu ölkədə ən azı 2 dəfə, İspaniyada isə 20 dəfə artırıb.
Avropa.info xəbər verir ki, Beynəlxalq alimlər qrupu olan World Weather Attribution (WWA) tərəfindən aparılan təhlilə əsasən, bu ayın əvvəlindən Fransa və İspaniyada güclü meşə yanğınları baş verib. Bu yanğınlar 3 nəfərin ölümünə, minlərlə evin dağılmasına və 300 mindən çox insanın didərgin düşməsinə səbəb olub.
Fransa və İspaniyada “ən pis” olaraq xarakterizə edilən yanğınlara iqlim dəyişikliyi ilə daha da ağırlaşan hava şəraiti səbəb olub.
Climate change resulting from human activities has increased the risk of fires in France by at least 2 times and in Spain by at least 20 times. Mövcud iqlim şəraitində bu intensivlikdə hava hadisələri Fransada hər 20 ildən, İspaniyada isə hər 6 ildən bir baş verə bilər.
Yağışlı qış dövründən sonra gələn quru yaz, təsirlənmiş ərazilərdə meşə yanğını riskinin əsas amillərindən biri kimi görünür.
Bu şərtlər bitki örtüyünün böyüməsinə kömək etsə də, bitki örtüyü sonradan quruyur və yanğınlar üçün yanacağa çevrilir.
Yaxın bir neçə gün ərzində hər iki ölkədə yüksək temperatur davam edəcək. Alimlər bunun yanğın şəraitini pisləşdirə biləcəyi barədə xəbərdarlıq edirlər.
İqlim dəyişikliyinin yaratdığı istilər “dağıdıcı milli fəlakətlərə” səbəb olur
Birləşmiş Millətlər Təşkilatının İqlim Dəyişikliyi üzrə Çərçivə Konvensiyasının (UNFCCC) icraçı katibi Simon Stiell təhlili dəyərləndirərkən, Fransa və İspaniyada baş verən yanğınların iqlim dəyişikliyinin səbəb olduğu ekstremal temperaturların “dağıdıcı milli fəlakətlərə” səbəb ola biləcəyini göstərdiyini bildirdi və əlavə etdi: “Bəşəriyyətin davamlı yanması planetimizi daha təhlükəli edir, böyük miqdarda neft və qazın yanmasına səbəb olur. böyük yanğınlar daha ölümcül və dağıdıcıdır”. dedi.
Digər tərəfdən, həll yolunun aydın olduğunu vurğulayan Stiell, bütün ölkələri qalıq yanacaqlardan yenilənə bilən enerji mənbələrinə daha sürətli keçməyə və insanları daha da pisləşən iqlim təsirlərindən qorumağa çağırıb.
London İmperial Kollecinin Ətraf Mühit Siyasəti Mərkəzinin Ekstremal Hava Hadisələri və İqlim Dəyişikliyi üzrə Tədqiqatçısı Clair Barnes, Fransa və İspaniyada baş verən yanğınların insan fəaliyyətinin yaratdığı qlobal istiləşmənin gücləndiyinin bariz əlaməti olduğuna diqqət çəkdi və dedi:
“İqlim dəyişikliyinin meşə yanğınları üçün son dərəcə əlverişli olan isti, quru və tez alışan şəraiti necə artırdığını dəfələrlə görmüşük. Biz hələ mövsümün əvvəlindəyik və yaxınlaşan başqa bir istilik dalğası ilə bu tapıntılar son dərəcə qorxuludur. Bu yanğınlar ucqar ərazilərdə deyil, insanların yaşadığı yerlərə çox yaxınlarda baş verir. Hər temperaturun artması bizi naməlum ərazilərə itələyir.”
