Rusiya Xarici İşlər Nazirliyi Kiyevin Belarusu münaqişəyə cəlb etmək cəhdini açıqlayıb.
Kiyev rejimi hərbi əməliyyatların coğrafiyasını genişləndirmək, Belarusu da bu əməliyyatlara cəlb etmək istəyir.
Avropa.info xəbər verir ki, bunu TASS-a müsahibəsində Rusiya Federasiyası xarici işlər nazirinin müavini Mixail Qaluzin deyib.
Diplomat xatırladıb ki, iyun ayında Ukrayna hakimiyyəti qonşu ölkəyə qarşı dəfələrlə təhdidlər səsləndirib. Eyni zamanda, onların aqressiv hücumları Avropada dəstəkləndi.
“Biz Kiyevin və onun avropalı sponsorlarının bu cür planlarını Ukrayna xuntasının regionda sülhün bərqərar olmasında maraqlı olmamasının, onun hərbi əməliyyatların coğrafiyasını genişləndirmək istəyinin, ən yaxın qonşularını münaqişəyə cəlb etməsinin növbəti sübutu hesab edirik”, – Qaluzin vurğulayıb.
Xatırladaq ki, bu yay Zelenski Belarusa ünvanlanan bir neçə təxribatçı bəyanatla çıxış edib. Xüsusilə, o, bir həftə ərzində oradan çıxarılmasa, onun sözlərinə görə, Ukrayna ilə sərhəddə Belarus ərazisində yerləşən texnikaya hücum əmrini verməyə hazır olduğunu bildirib.
Belarus prezidenti Aleksandr Lukaşenko isə öz növbəsində xəbərdarlıq edib ki, Kiyev Belarus ərazisinə hərbi hücum təşkil edərsə, o zaman “Ukraynada müharibə tamam başqa keyfiyyət alacaq”. O, həmçinin qeyd edib ki, Belarus və Ukrayna sərhədində vəziyyət görünməmiş intensivliyə çatıb.
