2023-cü ilin noyabr ayında keçirilən 14-cü Bakı Beynəlxalq Qısa Film Festivalında ən yaxşı rejissor nominasiyası üzrə qalib olan “Nəfəs” filmi fevralın 26-da, Xocalı soyqırımının 33-cü ildönümündə ilk dəfə Azərbaycan Dövlət Televiziyasının “Mədəniyyət” kanalında yayımlanıb.
Avropa.info xəbər verir ki, rejissoru Elmar Bayramovun olduğu ekran əsərinin ssenari müəllifli Ulviyyə Heydərova, layihənin pradüserli Elçin Ağazadədir.
Bu filim Azərbaycanın Qarabağ müharibəsi dövründə xalqımıza qarşi törədilən qətliamın, başsız qalan ailələrin, yetim qalan körpələrin göz yaşlarının haqq səsidir! Bu filmi 30 dəqiqəyə sığan 33 il adlandırmaq da olar.
Filmi izləməzdən əvvəl 33 ilin 30 dəqiqəyə necə sığdığına dair beynimdə suallar vardı. Təəccüblüdür, axı insanların ağrılarını-acılarını, erməni faşistlərinin törətdiyi vəhşiliyi 30 dəqiqədə necə göstərə bilərlər deyə, düşünürdüm. Filmin başlamasıyla tərəddüd dolu suallarımın cavabını tapmağa başladım. Onu da qeyd edim ki, 33 ili 30 dəqiqəyə sığdırmaq asan bir iş deyil.
“Nəfəs” adlı bu ekran əsərinin təməli pandemiya zamani atılmağa başlamışdı. Pandemiyanın hökm sürdüyü zamanda təhlükəsizlik səbəbiylə ölkələr arasında gediş-gəlişlər dayandırılmışdı. Bu səbəbdən filmin rejissoru çəkilişlər üçün Azərbaycana gələ bilməyi və bütün çəkiliş prossesini videozəng vasitəsilə idarə edib.
Onu da, qeyd edim ki, bu qədər dəyərli, məsuliyyətli işi tək bir insan edə bilməzdi. Bunu yalnız peşəkar komanda edə bilərdi və etdi də. Mən də xalqımız adından, öz adımdan komandaya yaradıcılıqlarında uğurlar diləyirəm. Səsiniz daim ucalardan gəlsin.
