Türkiyə Prezidenti Rəcəb Tayyib Ərdoğan Nyu-York şəhərindəki “Türk Evi”ndə Ukrayna Prezidenti Volodimir Zelenskini qəbul edib.
Avropa.info xəbər verir ki, bu barədə Türkiyə mediası məlumat yayıb.
Bildirilib ki, görüşdə Türkiyə ilə Ukrayna arasında ikitərəfli əlaqələr, Ukrayna-Rusiya müharibəsinin gedişi və sülh səyləri, regional və qlobal məsələlər müzakirə edilib.
Ərdoğan görüşdə Türkiyənin əvvəldən Ukrayna-Rusiya müharibəsini Ukraynanın ərazi bütövlüyü və suverenliyini qoruyaraq dialoq yolu ilə sona çatdıra biləcəyinə inandığını və bunun üçün səylərini davam etdirdiklərini bildirib.
Türkiyə lideri Zelenskiyə “Taxıl sazişi”ni bərpa etmək üçün səy göstərəcəyini vəd edib.
Görüşdən sonra xarici işlər naziri Hakan Fidan tərəfindən “Türk Evi”ndən yola salınan Zelenski mətbuat mənsublarının suallarını cavablandırmadan ayrılıb.
Qeyd edək ki, hər iki ölkə başçısı BMT Baş Assambleyasının 79-cu sessiyasında iştirak üçün ABŞ-də səfərdədir.
