İşğal altındakı İordan çayının qərb sahilinin şimalında hücumlarını davam etdirən soyqırım İsrail ordusu müxtəlif qəsəbələrə basqın edərək təcili yardım maşınında vəzifə yerinə yetirən ilk yardım qrupunu darmadağın edib.
Avropa.info xəbər verir ki, Fələstin Qızıl Aypara Cəmiyyəti İsrail qüvvələrinin Cenin Qaçqınlar Düşərgəsində Qızıl Ayparanın təcili yardım ekipajına hücum etdiyini açıqlayıb.
Zərərçəkmiş ilk tibbi yardım işçiləri Qırmızı Xaçla razılaşdırılaraq, yaralını hadisə yerindən aparmaq üçün ərazini tərk ediblər.
Atılan gözyaşardıcı qaz bombası səbəbindən çox sayda insan boğulma təhlükəsi ilə üzləşib
Digər tərəfdən Fələstinin rəsmi xəbər agentliyi WAFA-da yer alan xəbərə görə, İsrail əsgərləri Nablus şəhərinin Beyta qəsəbəsinə basqın edib.
Atəş açıb, gözyaşardıcı qaz ataraq qəsəbəyə daxil olan İsrail qüvvələri ilə basqına etiraz edən fələstinlilər arasında atışma baş verib. Vurulan gənc fələstinli bədənində qançırlarla ağır yaralanıb.
Xəbərdə həmçinin İsrail qüvvələrinin Nablusun cənubundakı Qusra qəsəbəsinə basqın təşkil etdiyi və oraya atılan gözyaşardıcı qaz balonları səbəbindən çox sayda insanın boğulma təhlükəsi ilə üzləşdiyi bildirilib .
Bildirilib ki, İsrail əsgərləri həmçinin Ceninin Yabed rayonu, Beytləhmin Əl-Hadr bölgəsi, Ramallahın Beyt-Rima və Əl-Liban əl-Şərkiyə bölgələrinə də basqın ediblər.
Basqın zamanı evlərə və mağazalara səs və gözyaşardıcı qaz bombaları atılıb, lakin ölən və xəsarət alan olmayıb.
İsrailin İordan çayının qərb sahilinə hücumu
Yanvarın 19-u Bazar günü Qəzzada atəşkəsin qüvvəyə minməsindən sonra İsrail ordusu 21 yanvar Çərşənbə axşamı günü işğal altındakı İordan çayının qərb sahilinin şimalındakı Cenin şəhərinə “Dəmir Divar” adlı hücuma başlayıb.
İsrail ordusu Cenin şəhərindəki şiddətli hücumlarını yanvarın 27-də Tulkerim, fevralın 2-də Tubasın Əl-Fəriya Qaçqınlar Düşərgəsi və Tamun qəsəbəsini əhatə edəcək şəkildə genişləndirib. İsrail ordusu yeddi günlük reyddən sonra fevralın 8-də qüvvələrini Tamundan geri çəkib.
Fevralın 9-da İsrail əsgərləri Tulkərimin şərqindəki Nur Şəms Qaçqınlar Düşərgəsini də əhatə edəcək şəkildə hücumlarını genişləndirdi.
İsrail ordusunun yanvarın 21-dən bəri həyata keçirdiyi hücumlarda 56 fələstinli həyatını itirib, minlərlə insan yaralanıb, bölgədəki strukturlar və infrastruktur geniş şəkildə dağıdılıb.
2023-cü il oktyabrın 7-dən bəri işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin hücumları nəticəsində 167-si uşaq olmaqla 917 fələstinli həyatını itirib, 7 minə yaxın insan isə yaralanıb .
Avropa.info
