Pakistanın, ölkənin Eksklüziv İqtisadi Bölgəsində (EEZ) təhlükəli manevrlər edərkən hərbi gəminin Hindistan Hərbi Dəniz Qüvvələrinə aid bir gəmi tərəfindən vurulması səbəbilə Yeni Dehliyə etiraz notası göndərdiyi bildirilib.
Avropa.info xəbər verir ki, Ötən gün Ərəb dənizində iki ölkəyə məxsus gəmilərin toqquşması ilə bağlı Pakistan Xarici İşlər Nazirliyindən açıqlama verilib.
Açıqlamada Hindistanın İslamabad müvəqqəti işlər vəkilinin Xarici İşlər Nazirliyinə çağırıldığı və Hindistan donanmasına aid gəminin hərəkətinə görə insidentə “şiddətli etiraz” edildiyi bildirilib.
Açıqlamada Pakistan Hərbi Dəniz Qüvvələrinin iki ildən bir keçirilən “SEASPARK-26” adlı təlimi zamanı Pakistanın EEZ-də Hindistan donanmasına aid gəminin Pakistan hərbi gəmisinə təhlükəli şəkildə yaxınlaşaraq aqressiv manevrlər etdiyi və iki gəmi arasında təmas olduğu bildirilib.
Bəyanatda müvəqqəti işlər vəkilindən Pakistanın bu “aqressiv hərəkəti” qəti şəkildə rədd etdiyini Yeni Dehli administrasiyasına çatdırması istənilib və əlavə edilib: “Hindistan tərəfi beynəlxalq hüquqa və xüsusilə dənizdə insidentlərin qarşısının alınmasına yönəlmiş ikitərəfli razılaşmalara ciddi şəkildə riayət etməyə çağırılır.” ifadəsi işlədildi.
Hindistan da hərbi gəmilərin toqquşmasına görə Pakistana etiraz edib
Hindistan Xarici İşlər Nazirliyinin gün ərzində verdiyi açıqlamada dünən Ərəb dənizində iki ölkəyə məxsus döyüş gəmilərinin toqquşduğu bildirilib.
Pakistan donanması birliklərinin “qəbuledilməz və qeyri-peşəkar rəftarının” Hindistan gəmisi ilə toqquşmasına səbəb olduğu qiymətləndirməsinin yer aldığı açıqlamada Pakistanın Yeni Dehlidəki müvəqqəti işlər vəkilinin Hindistan Xarici İşlər Nazirliyinə çağırıldığı və ona etirazın çatdırıldığı bildirilib.
