Londonun tətbiq etdiyi sanksiyalar fonunda İsrail Britaniyaya cavab verir.
Avropa.info xəbər verir ki, İsrail Xarici İşlər Nazirliyinin rəhbəri Gideon Saar Böyük Britaniyanın Qüdsdəki səfirliyinin bağlandığını açıqlayıb.
Nazirin sözlərinə görə, bu qərar Londonun İordan çayının qərb sahilində bir neçə yəhudi yaşayış məntəqəsinə tətbiq etdiyi sanksiyalara cavab tədbirləri ilə əlaqədar qəbul edilib.
İsrail Xarici İşlər Nazirliyi Qəzzaya Yardım üzrə Beynəlxalq Koordinasiya Mərkəzinin britaniyalı nümayəndələrini də ölkədən çıxarmaq niyyətindədir. 12 britaniyalı məmurun da İsrailə girişi qadağan edilib – onlar antisemitizm və anti-İsrail fəaliyyətində ittiham olunurlar.
Qüdsün cavabı İsrailin baş naziri Binyamin Netanyahu ilə razılaşdırılıb. Onlar Britaniya siyasətinin rədd edilməsini nümayiş etdirmək məqsədi daşıyır.
Bundan İsrailin milli təhlükəsizlik naziri İtamar Ben-Qvir Netanyahunu Folklend adalarını (Malvin adaları) Argentina ərazisi kimi tanımağa çağırıb. O, həmçinin Londonu arxipelaqı qanunsuz işğal etməkdə ittiham edib.
