Nazir müavini Zərdabda görüş keçirdi

  • 17:04 - 27 İyun

Kənd təsərrüfatı naziri Məcnun Məmmədovun imzaladığı əmrə əsasən, kənd təsərrüfatı nazirinin müavini Elçin Zeynalov bu gün Zərdab Dövlət Aqrar İnkişaf Mərkəzinin (DAİM) inzibati binasında Zərdab və Beyləqan rayonlarından olan vətəndaşları qəbul edib.

Nazirlikdən Avropa .info-ya verilən məlumata görə, qəbulda vətəndaşların müraciətləri əsasən təsərrüfatların azad olunmuş ərazilərdəki yaylaqlara köçürülməsi, təsərrüfat suyu ilə təminat, barama tədarükü və digər məsələlərlə bağlı olub.

Nazir müavini Elçin Zeynalov hər bir vətəndaşın müraciətini diqqətlə dinləyib, qaldırılan məsələlərin hərtərəfli öyrənilməsi və qanunvericiliyin tələblərinə uyğun qısa müddətdə həll edilməsi üçün müvafiq tapşırıqlar verib. Vətəndaşların müraciətlərinin bir qismi yerindəcə həllini tapıb, qaldırılan bəzi məsələlər isə araşdırılması üçün nəzarətə götürülüb.

Nazir müavini vətəndaşlarla görüş zamanı dövlət başçısının kənd təsərrüfatının inkişafı ilə bağlı imzaladığı sərəncamların kənd təsərrüfatı istehsalçılarının rifah halının yaxşılaşdırılmasına və ölkəmizdə bu sahənin inkişafına təkan verəcəyini vurğulayıb. Qəbuldan sonra nazir müavini Zərdab DAİM-in kollektivi ilə görüşüb, yazlıq əkinlərin bəyan prosesi ilə maraqlanıb.

Nazir müavini daha sonra pambıq sahələrinə baş çəkib, əkinlərin vəziyyəti, aqrotexniki qulluq tədbirləri, gübrə və pestisid təminatı ilə maraqlanıb, fermerlərlə pambıqçılığın inkişafı, dövlət dəstəyi mexanizmləri barədə söhbət aparıb. Fermerlərin təklifləri qeydə alınıb, qaldırılan məsələlərin həlli üçün tapşırıqlar verilib.


Oxunma sayı: 2135

Oxşar yazılar

Dəmir yolunda gediş haqqı artırılacaq? - AÇIQLAMA
Dəmir yolunda gediş haqqı artırılacaq? - AÇIQLAMA
  • 14:31 - 01 İyul
Bu gündən taksilərin ağ və ya qırmızı olmasına dair tələb qüvvəyə mindi
Bu gündən taksilərin ağ və ya qırmızı olmasına dair tələb qüvvəyə mindi
  • 13:29 - 01 İyul
İranda güneyli bloqqer parlament sədrinin qızına görə həbs edildi
İranda güneyli bloqqer parlament sədrinin qızına görə həbs edildi
  • 12:33 - 01 İyul