![](/ckfinder/userfiles/files/avtobus%20q%C9%99za.jpg)
Cəlilabadda toydan qayıdan mikroavtobus qəzaya düşüb, xəsarət alanlar var
- 10:16 - 13 İyun
Cəlilabad rayonunda xəsarətlə nəticələnən yol qəzası baş verib.Avropa.infonun əldə etdiyi məlumata gorə hadisə köhnə Ələt- Astara avtomobil yolunun rayonun Qarazəncir kəndindən keçən hissəsində qeydə alınıb.
Belə ki, "Ford"markalı mikroavtobus ilə "VAZ-2106" markalı avtomobilin toqquşub. Hadisə nəticəsində 3 nəfər xəsarət alıb.
Yaralılar Cəlilabad Rayon Mərkəzi Xəstəxanasına çatdırılıb. Mikroavtobusda olan sərnişinlərin toydan qayıtdıqları bildirilir.
Faktla bağlı araşdırma aparılır.