BMT-də Fələstinlə bağlı səsvermə: Azərbaycan lehinə oldu, əleyhinə?

  • 11:43 - 11 May

Ötən axşam BMT Baş Assambleyası Yaxın Şərqdəki vəziyyət, xüsusən də "İsrailin işğal olunmuş Fələstin ərazilərində qanunsuz hərəkətləri" ilə bağlı fövqəladə sessiyada toplaşıb.

İclasda Fələstinin BMT-yə üzvlüyü ilə bağlı Birləşmiş Ərəb Əmirliklərinin təklif etdiyi qətnamə qəbul edilib.

Səsvermədə iştirak edən 143 dövlətdən 9-u qətnamənin əleyhinə çıxıb. 25 dövlət isə səsvermədə bitərəf qalıb.

Maraqlıdır, səsvermə zamanı Azərbaycanın mövqeyi necə olub? 

Avropa.info modern.az-a istinadən xəbər verir ki, BMT-dəki səsvermə zamanı Azərbaycan sənədin qəbuluna - Fələstinin lehinə səs verib.

Ermənistan da oxşar şəkildə səs verib.

Gürcüstan, Böyük Britaniya, Ukrayna və bir sıra digər dövlətlər bitərəf qalıb.

ABŞ, İsrail, Macarıstan, Çexiya və bir sıra digər dövlətlər isə sənədin əleyhinə səs verib.

Sənəd Fələstin Dövlətinin Baş Assambleyada hüquqlarını genişləndirir, lakin ona səs vermək və ya Birləşmiş Millətlər Təşkilatının orqanlarına namizəd kimi çıxış etmək hüququ vermir.

Nizamnaməyə görə, Baş Assambleya BMT-də tamhüquqlu üzv statusu verə bilməz - bu, Təhlükəsizlik Şurasının tövsiyəsini tələb edir. Xatırladaq ki, Təhlükəsizlik Şurasə aprel iclasında ABŞ-ın vetosuna görə belə bir tövsiyə verə bilmədi.

Ötən gün qəbul edilən qətnamədə Baş Assambleya Fələstin Dövlətinin üzvlük tələblərinə cavab verdiyini qeyd edir və Təhlükəsizlik Şurasına “bu məsələyə müsbət baxmağı” tövsiyə edir.

Birləşmiş Millətlər Təşkilatına daxil olan sonuncu dövlət Cənubi Sudan olub (2011-ci ildə).


Oxunma sayı: 2586

Oxşar yazılar

Səudiyyə Ərəbistanı Ukrayna üzrə sülh konfransında iştirakdan imtina etdi- SƏBƏB
Səudiyyə Ərəbistanı Ukrayna üzrə sülh konfransında iştirakdan imtina etdi- SƏBƏB
  • 23:17 - 03 İyun
Uçuş zamanı təhlükəsizlik kəmərlərinin açılması yasaqlana bilər
Uçuş zamanı təhlükəsizlik kəmərlərinin açılması yasaqlana bilər
  • 22:33 - 03 İyun
Azərbaycanda 6 vəzifəli şəxs İŞDƏN ÇIXARILDI
Azərbaycanda 6 vəzifəli şəxs İŞDƏN ÇIXARILDI
  • 21:32 - 03 İyun