İngiltərədə dövlət dəstəkli SKANDAL: Ukraynalı qaçqın qadınlar ingilis kişilərin təcavüzünə məruz qalırlar – FOTO

• 11:58 - 14 Aprel

Böyük Britaniyaya sığınan ukraynalılar dövlət tərəfindən maliyyələşdirilən “Homes for Ukraine”  (Ukrayna üçün evlər) proqramı ilə evlərə yerləşdirilir. Lakin qaçqın qadınlar bu təcrübədən sui-istifadə edən britaniyalı kişilərin təcavüzləri və nalayiq təklifləri ilə üzləşirlər. 

Avropa.info bildirir ki, BMT Böyük Britaniyadan proqrama nəzarət etməyi və qaçqın qadınlara qarşı britaniyalı subay kişilərin hərəkətlərinin uyğunlaşmanın qarşısını almağı tələb edib.

Rusiya-Ukrayna müharibəsi səbəbindən 4,6 milyon ukraynalı evlərini tərk edərək sağ qalmaq üçün başqa ölkələrə sığınıb. İngiltərədə ortaya çıxan biabırçı hadisə insanlığın qaranlıq tərəflərini bir daha ortaya qoyub. 

“Guardian”ın xəbərinə görə, Böyük Britaniyaya sığınan ukraynalı qaçqın qadınlar dövlət tərəfindən dəstəklənən “Ukrayna üçün evlər” proqramı vasitəsilə ingilis kişilər tərəfindən təcavüzlərə, təqiblərə, təhqirlərə və əxlaqsız təkliflərə məruz qalıb. Böyük Britaniyada yaşamaq istəyən ukraynalılardan viza prosedurları üçün yaşayış yerini qeyd etmələri tələb olunur. Tətbiq ev mübadiləsi üçün ukraynalı qaçqınları britaniyalılarla uyğunlaşdırılır və ukraynalılar bu şəkildə rahat qala bilərlər. Lakin məlum olub ki, zəif tənzimlənən təcrübədən sui-istifadə edən britaniyalı kişilər sığınacaq istəyən ukraynalı qadınlara təcavüz edib və onlara nalayiq təkliflər ediblər.

ƏXLAQSIZ TƏKLİF EDİRLƏR 

Yaşadığı biabırçı hadisəni qəzetə danışan 32 yaşlı ukraynalı qadın uyğunlaşma gözləyərkən Facebook sosial şəbəkəsində kişilərdən ədəbsiz mesajlar aldığını bildirib. Mesajların birində Londonda yaşayan yaşlı bir kişi ukraynalı qadına “Biz bir otağı paylaşmalıyıq, buna etiraz edirsinizmi?” deyə soruşub. O, verdiyi açıqlamalarla əxlaqsız təklif edib. Digər 22 yaşlı qadın isə ingilislərin aldığı mesajlarda bir otaqlı evdə bir neçə yataq otağı olduğu yalanı ilə onu aldatmağa çalışdıqlarını və  təhqiramiz səsli mesajlar göndərdiklərini bildirib. 

BMT-DƏN HÖKUMƏT RƏSMİLƏRİNƏ ÇAĞIRIŞ

Hadisənin baş verməsi ilə əlaqədar fəaliyyət göstərən Birləşmiş Millətlər Təşkilatının Qaçqınlar üzrə Ali Komissarlığı (UNHCR) Britaniya hökumətini bu təcrübəyə nəzarət etməyə və ukraynalı qaçqın qadınların Britaniyalı subay kişilərlə uyğunlaşmasının qarşısını almağa çağırıb. UNHCR səlahiyyətliləri bildirdilər ki, uyğunlaşma üçün müraciət edən ingilislərə nəzarət edilməli və ukraynalı qaçqın qadınlar müraciət edən ailələrlə eyniləşdirilməlidir.

BU, İLK HADİSƏ DEYİL

Avropanın müxtəlif yerlərində ukraynalı qaçqın qadın və uşaqların insan qaçaqmalçılarının hədəfinə çevrildiyi daha əvvəl də üzə çıxıb. Ukraynadan qaçan uşaqların qatar stansiyalarında yoxa çıxdığı və onlardan xəbər alına bilmədiyi, çoxlu qadının pis rəftara məruz qaldığı bildirilib. Almaniyanın daxili işlər naziri Nensi Fazer Ukraynadakı müharibədən qaçan qadın və uşaqları insan qaçaqmalçılarından qorumaq üçün qatar və avtovağzallarda təhlükəsizlik tədbirlərinin artırıldığını açıqlayıb.

Avropa.info

Oxunma sayı: 9406