PKK terror təşkilatının Rusiya agenti olan əsas adamı məhv edildi: Qarabağda erməni terrorçuların düşərgələrində olub

09:46 - 13 Sentyabr

Rusiyanın Federal Təhlükəsizlik Xidməti (FSB) ilə əlaqəli Mazlum Rus ləqəbli terrorçu PKK terror təşkilatının Sincar "lideri" olub.

Avropa.info xəbər verir ki, Sincardakı yezidi mənbələrdən və İraq təhlükəsizlik qüvvələrinin verdiyi məlumata görə, əslən Rusiyanın Çelyabinsk şəhərindən olan "Mazlum rus" adlı terrorçu 2000 -ci illərin əvvəllərində FSB ilə əlaqədə olub və bir müddət Gürcüstan və Ermənistanda fəaliyyət göstərib.

Sincardakı yezidi kürdlərindən olan İraq ordusunun keçmiş üzvü Fayad Əziz PKK -nın bölgə "lideri" olaraq Səid Həsəni adlandırdığını, amma əslində bütün səlahiyyətlərin "Mazlum rus" adlı bir terrorçuya aid olduğunu söyləyib. İraq təhlükəsizlik mənbələri terrorçunun Türkiyə, Suriya və İraqda bir çox terror aktlarında iştirak etdiyini və Rusiya Kəşfiyyatı tərəfindən dəstəkləndiyini bildirib. Digər tərəfdən, Mazlum Rus ləqəbli terrorçuya saxta Sincar şəxsiyyət vəsiqəsi verildiyi və YBŞ rəsmisi olaraq onu İraqın müdafiə naziri, İraq Kəşfiyyatı və Baş nazir Mustafa Kazimi ilə görüşdürməyə çalışdıqları bildirilir.

Rusiya Federal Təhlükəsizlik Xidməti tərəfindən ələ alınan Mazlum Rus ilk terror təlimini PKK terrorçularının Ermənistandakı Vardenes və daha sonra Azərbaycanın o zaman işğal altında olan Qarabağ-Kəlbəcər bölgələrindəki terror düşərgələrində alıb. Erməni və rus silahlıların üstünlük təşkil etdiyi "Ağrı qartalları" terror qrupunun liderlərindən olan Mazlum Rus, eyni zamanda Suriyadakı PKK daxilində Nubar Ozanyan batalyonunun qurucusu olub. Rusiya vətəndaşı PKK terror təşkilatının üzvü olaraq Hakkari, Şırnak, Van, Bingöl, Ağrı və Şimali İraqda bir çox terror aktlarında fəal rol oynayıb. O, Türkiyədə Xəndək təxribatının aktiv adları arasında olub. Xəndək təxribatında 60 -dan çox erməni, rus və serb terrorçuları ilə iştirak edən Mazlum Rusiya və Türkiyə təhlükəsizlik qüvvələrinin başlatdığı əməliyyatlardan sağ çıxmağı bacarıb. Rusiya Xarici İşlər Nazirliyi 2015-ci ildə Cənub-Şərqdəki separatçı qüvvələrin başlatdığı Xəndək təxribatına rəsmi açıqlama ilə reaksiya verib.

Türkiyə Silahlı Qüvvələri, Milli Kəşfiyyat Təşkilatının (MİT) yaxından təqib etdiyi Mazlum Rus və Səid Həsənə qarşı Sincarda hava əməliyyatları həyata keçirib. Yerli mənbələr fərqli nöqtələrdə keçirilən əməliyyatlarda 18 terrorçunun məhv edildiyini təsdiqləsə də, vurulan insanlar arasında Səid Həsən və Mazlum Rus da var. İlk hücumdan ağır yaralı halda xilas olan Mazlum Rus PKK -nın köhnə bir məktəbdən xəstəxanaya çevirdiyi Sincarın qərbindəki Əl-Sakiniye kəndinə gətirilib. MİT -in əldə etdiyi sahə kəşfiyyatına paralel olaraq bombardmançıların hava əməliyyatları apardığı terror nöqtəsi məhv edilərkən Mazlum Rusun öldürüldüyü açıqlanıb. Yerlərdə olan bəzi adamlar Mazlum Rusun hərbi əməliyyatlardan diri çıxarıldığını iddia edib. Terror təşkilatının əməliyyatdan sonra yayımladığı xəbərlərdə Mazlum Rus Mazlum Roj olaraq təqdim edilib.