İstanbul Polis İdarəsi tərəfindən “Türkiyə Polis Təşkilatının 180 illiyi və Polis Həftəsi” tədbirləri çərçivəsində 170 avtomobil və helikopterin iştirakı ilə yürüş təşkil edilib.
Avropa.info xəbər verir ki, İstanbul Polis İdarəsi Önləyici Xidmətlər Şöbə Müdirliyinə aid 50 motorlu qrup və 30 komanda maşını , Trafik Nəzarəti Şöbə Müdirliyinə aid 52 motorlu qrup və 30 komanda maşını və 8 zirehli texnikadan ibarət kortej Kadıköy Bostancı sahil yolunda toplaşıb .
Havada polis vertolyotunun müşayiəti ilə kortejdəki motosikletlər Türkiyə bayrağı və Təhlükəsizlik Ümumi Müdirliyinin bayraqlarını daşıyarkən, komanda vasitələrinin ön tərəfinə də Türk bayraqları asılmışdı .
Vətəndaşlar polisi dəstəkləyir
Sirenlərin müşayiəti ilə yola çıxan kortej Sultanahmet Meydanına çatmazdan əvvəl Bağdat prospekti, 15 İyul Şəhidlər körpüsü, Haliç körpüsü, Vətən prospekti, Bozdoğan su kəməri, Eminönü meydanı və Sarayburnudan keçib.
Motosiklet qrupları Alman Fəvvarəsi ilə Dikilitaş arasındakı ərazidə düzülüb.
Marşrut boyu korteji görən vətəndaşlar və sürücülər həmin anları mobil telefonları ilə lentə alıblar.
Bəzi vətəndaşlar alqışlarla, bəziləri isə avtomobilinin siqnalını çalaraq polisə dəstək olub. Sultanahmetdə yerli və xarici turistlər də Polis Həftəsini qeyd edib və polislə xatirə şəkli çəkdiriblər.
