Rəqəmsal inkişaf və telekommunikasiya sahəsində tanınmış ekspert, Azərbaycan İnternet Forumunun prezidenti Osman Gündüz Azercell-in yeni tarif siyasəti ilə bağlı mühüm açıqlama ilə çıxış edib.
Avropa.info xəbər verir ki, onun sözlərinə görə, nəhayət, Azercell real həqiqəti açıqlaya bilib.
Osman Gündüz bildirib ki, abonentin tarifdə olub-olmamasında asılı olmayaraq, hansı tarifdə olmasından asılı olmayaraq “1 manat -1 gün” prinsipi qüvvədədir.
Ekspert qeyd edib ki, tarifə qoşulmuş olmaq avtomatik güzəşt yaratmır.
“Əgər tam məbləğ yüklənmirsə, tarif aktivləşmir və yüklənən məbləğ yalnız günlük istifadəyə çevrilir – əvvəlki sistemdəki kimi nömrənin aylarla açıq qalması artıq mümkün deyil.
Yeni qaydalara görə tarifi yeniləyə bilməyib onun aylıq haqqından az pul ödəyəcəksənsə elə ona uyğun da nömrən aktiv olacaq. İstərsə 2 manatlıq tarif, istərsə 20 manatlıq tarif olsun”, – deyə o əlavə edib.
“Sizin nömrəniz aylıqdan az olan həmin yüklədiyiniz məbləğlərə uyğun olaraq aktiv (iki tərəfli) olacaq:
1 manat = 1 gün
2 manat = 2 gün
3 manat = 3 gün və s.
Nömrəniz qalan günlər, 90 gün ancaq zəng qəbul edəcək.
Ola bilər, balansınızda pul olacaq, amma götürdüyünüz aylıq tarifə uyğun olmadığından nömrə birtərəfli bağlı olacaq.
Əvvəlki qayda isə kəskin fərqliydi:
1 manat = 5 gün
2 manat = 10 gün
5 manat = 30 gün və s”, – ekspert bildirib.
Osman Gündüz Azercell rəsmisinin APA-ya açıqlamasından bir hissəni əlavə edib. Həmin açıqlamanı təqdim edirik:
