Mingəçevir şəhərində güclü yanğın olub.
Avropa.info-nun məlumatına görə hadisə Mingəçevir Tərəvəzçilik yaşayış massivi Bahar küçəsində Tərlan Umarova məxsus həyətdə baş verib.
Belə ki, evin həyətində olan “Opel” markalı avtomobil gecə saatlarında alovlanmağa başlayıb. Yanğın yaxınlıqdakı 3 otaqlı evə də keçib və mənzil tamamilə yanaraq kül olub.
Hadisə vaxtı mənzildə olan 3 nəfər pəncərədən çıxaraq son anda xilas ola biliblər.
Faktla bağlı araşdırma aparılır.
***
FHN-dən bildirilib ki, Mingəçevir şəhərində ümumi sahəsi 110 m² olan birmərtəbəli 3 otaqlı evin mətbəxinin və hamam otağının lambirdən ibarət tavanı 18 m² sahədə, bitişik ümumi sahəsi 18 m² olan talvarın yanar konstruksiyaları və altında dayanan “Opel” markalı minik avtomobilinin yanar hissələri yanıb.
Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
