Avropa.info xəbər verir ki, İran  Xarici İşlər Nazirliyinin sözçüsü İsmayıl Bekayi X sosial media hesabında  paylaşdığı mesajda   , “Xarici işlər naziri Abbas Erakçi ilə  ABŞ  Prezidentinin (Donald Tramp) Yaxın Şərq üzrə xüsusi nümayəndəsi Stiv Vitkov  arasında dolayı danışıqlar Oman  xarici işlər naziri Bədr əl-Busaidinin vasitəçiliyi ilə başladı.” ifadələrdən istifadə etdi.

Bekayi bildirib ki, danışıqlar zamanı İran və ABŞ nümayəndə heyətləri üçün ayrı otaqlar ayrılıb və Oman xarici işlər naziri Busəidinin iki tərəf arasında mesajları çatdıracaq.

İran və ABŞ arasında danışıqlar prosesi

2018-ci ildə ölkəsini İranla nüvə sazişindən birtərəfli qaydada çıxaran ABŞ prezidenti Donald Tramp ötən ay İran lideri Ayətullah Əli Xameneiyə məktub göndərərək İranla birbaşa nüvə danışıqlarına çağırıb.

İran təhdidlərin də yer aldığı məktuba Oman vasitəsilə cavab verərək, təhdid və təzyiq altında birbaşa danışıqlara getməyəcəklərini və yalnız dolayı danışıqlara hazır olduqlarını açıqlayıb.

ABŞ prezidenti Tramp isə aprelin 7-də Ağ Evdə insanlığa qarşı cinayətlərə görə  Beynəlxalq Cinayət Məhkəməsi  tərəfindən həbs qərarı çıxarılan  İsrailin  baş naziri Benyamin  Netanyahu ilə görüşü zamanı  şənbə günü İran və ABŞ arasında “birbaşa” danışıqların aparılacağını açıqlayıb.

Tramp “əgər razılaşma əldə olunmasa, İran böyük təhlükə ilə üz-üzə qalacaq” demişdi.

İranın xarici işlər naziri Abbas Erakçi də həmin gün bəyan edib ki, İran və ABŞ arasında danışıqlar aprelin 12-də Omanda “dolayı yolla” aparılacaq.

Danışıqlarda İran nümayəndə heyətinə xarici işlər naziri Erakçi başçılıq edir, ABŞ-ı isə Trampın Yaxın Şərq üzrə xüsusi nümayəndəsi Stiv Vitkoff təmsil edir.