Azərbaycan Baş prokurorun müavini – hərbi prokuror, ədliyyə general-leytenantı Xanlar Vəliyevin səlahiyyət müddəti bu gün başa çatıb.
Avropa .info lent.az-a istinadla xəbər verir ki, Xanlar Vəliyevin səlahiyyət müddəti növbəti 5 il üçün uzadılmayıb.
Qeyd edək ki, Xanlar Vəliyevin Konstitusiya Məhkəməsinə hakim təyin olunacağı gözlənilir.
Xatırladaq ki, o, 2020-ci ilin 8 aprel tarixində bu vəzifəyə yenidən təsdiqlənmişdi.
Martın 15-i Xanlar Vəliyevin 70 yaşı tamam olub.
Prezident İlham Əliyevin Sərəncamına əsasən Baş prokurorun müavini – Hərbi prokuror, ədliyyə general-leytenantı Xanlar Rüstəm oğlu Vəliyev 1-ci dərəcəli “Vətənə xidmətə görə” ordeni ilə təltif edilib.
X.Vəliyev prokurorluq orqanlarında uzunmüddətli səmərəli fəaliyyətinə görə bu mükafata layiq görülüb.
