İsrail ordusu işğal altındakı İordan çayının qərb sahilindəki hücumlarını genişləndirərək 2002-ci ildən bəri ilk dəfə tanklarla Ceninə girəcəyini açıqlayıb.
Avropa.info xəbər verir ki, İsrail ordusu işğal altındakı İordan çayının qərb sahilində hücumlarını genişləndirəcəyini və tank diviziyasının Cenin şəhərindəki hücumlara əlavə olaraq qatılacağını açıqlayıb.
Qəzzada atəşkəs və əsir mübadiləsi razılaşmasının qüvvəyə minməsindən sonra yanvarın 21-də başladığı Cenin şəhərinə hücumunu genişləndirən və gücləndirən İsrail ordusu, verdiyi açıqlamada Cenin şəhəri yaxınlığındakı kəndlərə də hücumlar təşkil etdiyini açıqladı.
Yedioth Ahronot qəzeti işğal altındakı İordan çayının qərb sahilinin şimalındakı Cenin yaxınlığında 22 ildən sonra ilk dəfə İsrail tanklarının göründüyünü yazıb.
İsrailin İordan çayının qərb sahilinə hücumu
Yanvarın 19-u Bazar günü Qəzzada atəşkəsin qüvvəyə minməsindən sonra İsrail ordusu 21 yanvar Çərşənbə axşamı günü işğal altındakı İordan çayının qərb sahilinin şimalındakı Cenin şəhərinə “Dəmir Divar” adlı hücuma başlayıb.
Yanvarın 27-də Cenin bölgəsində şiddətli hücumlarını genişləndirən Tulkərim, fevralın 2-də Tubasdakı Əl-Fəriyyə Qaçqınlar Düşərgəsi və Tamun qəsəbəsini əhatə edən İsrail ordusu, 7 günlük basqının ardından fevralın 8-də qüvvələrini Tamundan geri çəkdi.
Fevralın 9-da İsrail qoşunları Tulkərimin şərqindəki Nur Şəms Qaçqınlar Düşərgəsini də əhatə edəcək şəkildə hücumlarını genişləndirdi.
Yanvarın 21-dən bəri İsrail ordusunun həyata keçirdiyi hücumlar nəticəsində ən azı 56 fələstinli ölüb, minlərlə insan yaralanıb, ərazidəki strukturlar və infrastruktur geniş şəkildə dağıdılıb.
2023-cü il oktyabrın 7-dən bəri işğal altındakı İordan çayının qərb sahili və Şərqi Qüdsdə Fələstin torpaqlarını qəsb edən İsrail əsgərləri və israillilərin həyata keçirdiyi hücumlarda 167-si uşaq olmaqla 920-dən çox fələstinli həyatını itirib, 7 minə yaxın insan isə yaralanıb .
