Abxaziyada “müxalifət” nümayəndələri ilə hüquq-mühafizə orqanlarının əməkdaşları arasında qarşıdurma böyüməyə davam edir.
Avropa .info xarici mediaya istinadən xəbər verir ki, kütləvi etiraz aksiyasının iştirakçıları Rusiya ilə investisiya razılaşmasının ləğvini, eləcə də “prezident” Aslan Bjaniyanın istefasını tələb edirlər.
Bildirilib ki, paytaxt kimi elan edilmiş Suxumidə aksiya iştirakçıları hökumət binaları kompleksinin yerləşdiyi əraziyə daxil olub.
Burada isə həm parlament, həm də Prezident Administrasiyası yerləşir. Daha sonradan onların parlament binasına da daxil olduğu məlum olub. Qarşıdurma zamanı 8 nəfər xəsarət alıb.
Rusiya Xarici İşlər Nazirliyi iğtişaşlar fonunda öz vətəndaşlarını Abxaziyaya səfər etməməyə, artıq orada olan rusiyalılara isə imkan çərçivəsində bölgəni tərk etməyə çağırıb.
