Azərbaycan millisində yeni baş məşqçi: AFFA QƏRAR VERDİ - FOTO

  • 11:38 - 12 İyun

AFFA İcraiyyə Komitəsinin onlayn formatda növbəti iclası keçirilib.

Avropa.info bildirir ki, 3 iyun 2024-cü ildə keçirilmiş AFFA İcraiyyə Komitəsinin toplantısında müzakirə edilmiş baş məşqçi məsələsinin davamı olaraq futbol üzrə Azərbaycan milli komandasının baş məşqçisi postuna tanınmış portuqaliyalı mütəxəssis Fernandu Santuşun namizədliyi irəli sürülüb.

Müzakirələr zamanı güclü, rəqabətədavamlı və uğurlu oyun nümayiş etdirən milli komandanın formalaşdırılmasının, eyni zamanda ölkəmizdə uşaq futbolunun inkişafının zəruriliyi qeyd olunub.

Bu xüsusda Fernandu Santuşun dünyanın tanınmış futbol mütəxəssislərindən biri kimi zəngin təcrübəsi, peşəkar fəaliyyəti dövründə qazandığı uğurlar, o cümlədən Portuqaliya yığması ilə Avropa çempionluğu nəzərə alınaraq Azərbaycan milli komandasının baş məşqçisi təyin olunması barədə qərar qəbul edilib.

Prosesin qısa müddətli deyil, müəyyən dövrü əhatə edəcəyi nəzərə alınaraq portuqaliyalı mütəxəssisin qarşısında rəqabətədavamlı komandanın formalaşdırılması və AVRO 2028-in seçmə mərhələsində uğurlu çıxış məqsədi qoyulub.


Oxunma sayı: 3609

Oxşar yazılar

İrandan Azərbaycana narkotik vasitə keçirən dəstə yaxalandi
İrandan Azərbaycana narkotik vasitə keçirən dəstə yaxalandi
  • 16:00 - 20 İyun
Türkiyə -Portuqaliya oyunu hakimləri bəlli oldu
Türkiyə -Portuqaliya oyunu hakimləri bəlli oldu
  • 15:28 - 20 İyun
Bakıda çimərlikdə kişilər qadınlara hücum çəkdilər: Qətlə yetirilən var - VİDEO
Bakıda çimərlikdə kişilər qadınlara hücum çəkdilər: Qətlə yetirilən var - VİDEO
  • 17:34 - 20 İyun