Bu şəxslər Azərbaycan vətəndaşları ilə evlənə bilməyəcəklər

  • 15:40 - 03 İyun

Azərbaycanda qanunsuz yaşayan əcnəbilərin ölkə vətəndaşı ilə nikaha daxil olması qadağan edilir.

Avropa.info xəbər verir ki, bununla bağlı Ailə Məcəlləsinə dəyişiklik təklif olunur.

Sənəddə qeyd edilib ki, Azərbaycan ərazisində olma və ya yaşama hüququ verən sənədlər olmadan, yaxud qeydiyyatsız uzun müddət yaşayan əcnəbilərin bir çoxu ölkə ərazisini tərk etməmək üçün son anda mümkün asan vasitə olaraq Azərbaycan vətəndaşı ilə nikah bağlamağı seçirlər. Bu hal Azərbaycan vətəndaşı ilə nikahda olan əcnəbilərə münasibətdə qanunvericiliyin müəyyən etdiyi imtiyazlardan sui-istifadə edilməsi riski yaratmaqla yanaşı, qanunsuz miqrasiyanın qarşısının alınması istiqamətində həyata keçirilən tədbirlərin effektivliyinə mənfi təsir göstərir.

Təqdim olunan qanun layihəsi də məhz ölkəmizdə qanunsuz miqrantların müəyyən edilməsi və qanunsuz miqrasiyanın qarşısının alınması, o cümlədən miqrasiya qanunvericiliyinin pozulması hallarının aradan qaldırılması istiqamətində həyata keçirilən tədbirlərin səmərəliliyinin artırılması məqsədilə hazırlanıb.

Belə ki, layihədə Ailə Məcəlləsinin nikahın bağlanmasına mane olan halları əks etdirən 12-ci maddəsinə dəyişiklik edilməsi təklif olunur. Bu dəyişikliyə əsasən aralarında nikahın bağlanmasına yol verilməyən şəxslərin sırasına ikisindən biri və ya hər ikisi ölkə ərazisində qanunsuz olan və yaxud yaşayan əcnəbilər və ya vətəndaşlığı olmayan şəxslərin də əlavə edilməsi nəzərdə tutulur.


Oxunma sayı: 2806

Oxşar yazılar

İrandan Azərbaycana narkotik vasitə keçirən dəstə yaxalandi
İrandan Azərbaycana narkotik vasitə keçirən dəstə yaxalandi
  • 16:00 - 20 İyun
Türkiyə -Portuqaliya oyunu hakimləri bəlli oldu
Türkiyə -Portuqaliya oyunu hakimləri bəlli oldu
  • 15:28 - 20 İyun
Bakıda çimərlikdə kişilər qadınlara hücum çəkdilər: Qətlə yetirilən var - VİDEO
Bakıda çimərlikdə kişilər qadınlara hücum çəkdilər: Qətlə yetirilən var - VİDEO
  • 17:34 - 20 İyun