Makron qorxulu xəbəri AÇIQLADI: Bu ölkə Fransaya 48 vaxt vermişdi

Makron qorxulu xəbəri AÇIQLADI: Bu ölkə Fransaya 48 vaxt vermişdi - FOTO

23:49 - 15 Sentyabr

Fransa prezidenti Emmanuel Makron Nigerdəki hərbi xunta tərəfindən ölkəni tərk etmək üçün 48 saat vaxt verilən Fransanın Niger səfiri Silvain İttenin girov götürüldüyünü açıqlayıb.

Avropa.info-nun məlumatına görə, Fransa mətbuatında yer alan xəbərlərə görə, prezident Emmanuel Makron Fransa səfirinin Nigerin yeni hərbi administrasiyası tərəfindən girov götürüldüyünü bildirib.

Emmanuel Makron jurnalistlərə açıqlamasında “Fransa Nigerdəki səfirliyində bir səfirimiz və diplomatik üzvlərimiz girov götürülüb” deyib.

O, əlavə edib ki, Niger hakimiyyəti səfirliyin binasına yeni ləvazimatların daxil olmasına icazə vermədiyi üçün səfir yalnız əsgər qidası yemək məcburiyyətində qalıb.

Qeyd edək ki, iyulun 26-da Nigerdə hakimiyyəti ələ keçirən hərbi hökumət Fransanın Niameydəki səfiri Silvain İteyə avqustun 25-də ölkəni tərk etməsi üçün 48 saat vaxt verib, lakin səfir İtte ölkəni tərk etməyib.

Fransa elan edib ki, “hərbi xunta Fransa səfirinin ölkədən getməsini tələb edə biləcək bir hakimiyyət deyil”.

Bunun üzərinə Niger Xarici İşlər Nazirliyi avqustun 31-də Fransa Xarici İşlər Nazirliyinə göndərdiyi notada səfir İttenin toxunulmazlığının götürüldüyünü və onun deportasiya ediləcəyini açıqlayıb.

Notanın ardından Fransanın Niameydəki səfirliyi ətrafında ciddi təhlükəsizlik tədbirləri görülüb və səfirliyə daxil olan və çıxan avtomobillər Niger təhlükəsizlik qüvvələri tərəfindən yoxlanılmağa başlayıb.

Eyni şəkildə, paytaxtda fransız əsgərlərinin yerləşdiyi Niamey 101 hava bazası ətrafında da təhlükəsizlik gücləndirilib.

NİGERDƏ NƏ BAŞ VERİB?

Nigerdə prezident Məhəmməd Bazum iyulun 26-da Prezident Mühafizəsi Alayının ünsürləri tərəfindən saxlanılıb və həmin axşam hərbçilər hakimiyyəti ələ keçirdiklərini elan ediblər.

Prezident Mühafizə Alayının komandiri general Abdurrahmane Tchiani iyulun 28-də CNSP adlı keçid hökumətinin başçısı olub.

CNSP avqustun 7-də Lamine Zeineni baş nazir təyin etdi və avqustun 10-da əsgər və mülki şəxslərdən ibarət 21 nəfərlik kabineti elan edib.