Sultan II. Abdulhəmidin hazırlatdığı NEFT XƏRİTƏSİ - Türkiyə bu xəritə sayəsində 134 il sonra neft yataqları KƏŞF ETDİ (VİDEO)

  • 16:23 - 27 İyul

Cənub-Şərqi Anadolu bölgəsində 40 ilə yaxındır zəngin yeraltı yataqlarından istifadə edilməyən Şırnak neft kəşfləri ilə bir daha diqqət çəkib. 

Avropa.info xəbər verir ki, Osmanlı dövlətinin 34-cü sultanı II. Abdulhəmidin hazırlatdığı neft xəritəsinin gerçək olduğu ortaya çıxıb. 

Şırnak Türkiyənin ən mühüm neft yataqlarının bazası olmaq üçün iri addımlar atır. Qabarda, daha sonra Cudi dağında aşkar edilən milyardlarla dollarlıq neft ehtiyatlarından sonra bölgədəki Bestler Dərəsi, Feraşin, Kato və digər nöqtələrə diqqət çəkilib. 

Beytüşşebap rayonundakı Kato dağı və Feraşin bölgəsində axtarışlar davam edərkən Bestler Dərəsi bölgəsində seysmik tədqiqatların aparıldığı öyrənilib.
1889-1901-ci illər arasında Osmanlı dövlətinin 34-cü sultanı II. Abdulhəmidin başlatdığı neft kəşfiyyatı zamanı Şırnak bölgəsi də daxil olmaqla 65 neft nöqtəsinin xəritəsi yaradılmışdır. Bu gün TPAO-nun araşdırma apardığı ərazilər xəritədə göstərilir.  

Şırnak Universitetinin mədən mühəndisi Dos. Dr. Öykü Bilgin bu xəritə haqqında danışıb.

"Biz araşdırmaları Sultan Abdulhəmidin hazırlatdığı xəritə əsasında aparırıq. 1889-cu ildə Aralıq dənizində neft, qazın olduğu Abdulhəmid tərəfindən müəyyən edildikdən sonra, xarici və türk mühəndislərin iştirakı ilə araşdırma başlandı. Bu araşdırmalar nəticəsində hazırda əlimizdə olan xəritə hazırlandı. Xəritədə əksəriyyəti İraq bölgəsinə aid olan 65 nöqtə müəyyən edilib. Ancaq Türkiyənin İraqla sərhədindən başlayaraq Cizrə, Şırnak, Mardin, Diyarbəkir, Bitlis və Hakkari ətrafında neft ehtiyatlarının olduğu bildirilir.

Türkiyə Neft Şirkəti ölkəmizdə bu ehtiyatlar üzərində işləyir. Şırnak bölgəsindəki Cudi-Qabar dağından çıxan neftimiz  yüksək keyfiyyətli neftdir. Dünyada çıxarılan neftin API çəkisi 27 ilə 35 arasındadır. Bunu nəzərə alsaq, onun yaxşı və keyfiyyətli yağ olduğunu görə bilərik. Cudi-Qabar dağında çıxarılan neftimiz 2600 metr və 2700 metr qazmalarda çıxarılıb. Düşünürəm ki, Şırnakın bir çox bölgəsində və bu bölgədə çoxlu neft ehtiyatları ola bilər. İnanıram ki, bu ehtiyatları dərin qazmalarla aşkar etmək olar. Hazırda 1 milyard barrel ehtiyat olduğu müəyyənləşib və son açıqlamalara görə, gündəlik 100 min barel hasil edilməsi planlaşdırılır", - deyə Öykü Bilgin qeyd edib.


Oxunma sayı: 17953

Oxşar yazılar