Türkiyənin yeni parlamenti bu gün and içəcək

  • 11:49 - 02 İyun

28-ci çağırış Türkiyə parlamentinin yeni tərkibi cümə günü, iyunun 2-də and içəcək. 

Avropa.info xəbər verir ki, ölkənin ali qanunverici orqanının ilk iclasını millət vəkillərinin ən yaşlısı - Milliyyətçi Hərəkat Partiyasının (MHP) sədri Dövlət Baxçalı açacaq. 

Sonra millət vəkilləri prioritet qaydada tribunadan Konstitusiyada təsbit olunmuş and mətnini oxuyacaqlar. 

Türkiyə prezidenti Rəcəb Tayyib Ərdoğan da TBMM-in ilk iclasına qatılacaq və fəxri qonaqlar qutusundan andiçmə prosesini izləyəcək. 

Bundan sonra parlamentin yeni sədrinin seçilməsi prosesi başlayır. 

Mayın 14-də Türkiyə parlamentinə seçkilər keçirilib. 

Onların nəticələrinə görə, 600 yerdən Ədalət və İnkişaf Partiyası 268 millət vəkili mandatı, Yenidən Rifah Partiyası - 5, MHP - 50, Yaşıllar Sol Partiyası - 61, TIP - 5, Cümhuriyyət Xalq Partiyası - 169, İYİ Partiya 43 mandat alıb.  

Seçici fəallığı 87,05 faiz təşkil edib. 

Qeyd edək ki, prezident Ərdoğanın andiçmə mərasimi şənbə günü, iyunun 3-də parlament binasında nəzərdə tutulub.


Oxunma sayı: 3037

Oxşar yazılar