Zəngilanda erməni təxribatı: 2 diversant saxlanıldı - YENİLƏNİB

  • 20:35 - 26 May

May ayının 26-da Azərbaycan-Ermənistan dövlət sərhədinin Zəngilan rayonu ərazisindən keçən hissəsində Ermənistan Silahlı Qüvvələrinin təxribat-diversiya qrupu tərəfindən Azərbaycan Respublikasının dövlət sərhədinin pozulması cəhdinin qarşısı alınıb.

Bu barədə Avropa.info-ya Dövlət Sərhəd Xidmətindən məlumat verilib.

Sərhəd-döyüş məntəqəsində xidmətdə olan hərbi qulluqçuların sayıqlığı nəticəsində təxribat-diversiya qrupunun hərəkəti vaxtında aşkarlanaraq zəruri tədbirlər görülüb və nəticədə Ermənistan Silahlı Qüvvələrinin 2 hərbi qulluqçusu saxlanılıb.

Diversiya qrupunun digər üzvləri ərazinin mürəkkəb relyefə malik olmasından istifadə edərək geri qaçıb.

Əməliyyat şəraiti nəzarətdə saxlanılır.

***20:19

Bir qrup erməni diversantı Zəngilan istiqamətində dövlət sərhədini yarıb keçməyə cəhd edib.

Avropa.info bildirir ki, bu barədə “Caliber” “Telegram” kanalı məlumat verib.

Məlumata görə, erməni diversantlarının bu cəhdinin qarşısı alınıb.
Azərbaycan Silahlı Qüvvələri tərəfindən düşmən diversiya-kəşfiyyat qrupu zərərsizləşdirilib. İki diversant saxlanılıb.

Detallar barədə tezliklə məlumat veriləcək.


Oxunma sayı: 3851

Oxşar yazılar