Bu ölkənin prezidenti ifadə vermək üçün prokurorluğa çağırıldı - FOTO

  • 14:43 - 25 May

Peru prokurorluğu hökumət əleyhinə etirazlarda ölənlərə görə prezident Dina Boluartedən ifadə almaq üçün prokurorluğa çağırıb. 

Avropa.info bildirir ki, Perunun yerli mediasının xəbərinə görə, hökumət əleyhinə nümayişlərdə çox sayda insanın həyatını itirməsindən sonra istintaq başlatan prokurorluq, mayın 31-də Dina Boluartenin qeyri-mütənasib güc tətbiqində rolu iddiası ilə ifadəsini almağa qərar verib. 

Boluartenin vəkili Cozef Kampos mövzu ilə bağlı açıqlamasında gün gəldiyində iddialara hərtərəfli cavabların veriləcəyini bildirib. 

"El Comercio" internet saytının xəbərinə görə, prezident Boluarte mayın 31-də milli təlimə qatılacağı ilə bağlı prokurorluqdan açıqlamasını bu səbəbdən 1 iyuna təxirə salmasını istəyib. 

Ölkədəki müxtəlif mənbələrə görə həftələrlə davam edən etirazlarda 77 nəfər həyatını itirib. 

Prokurorluq yanvarın 10-da aksiyalarda ölənlərlə bağlı araşdırmalara başlanıldığını açıqlayıb. 

Ölkədəki insan haqları təşkilatlarının məlumatına görə, etirazlarda ölən 69 nəfərdən 50-nin təhlükəsizlik qüvvələrinin birbaşa müdaxiləsi nəticəsində olduğu iddia edilib. 

Nümayişçilər prezident Dina Boluartenin istefasını, Konqresin bağlanmasını və dərhal növbədənkənar seçkilərin keçirilməsini tələb ediblər. 

Peruda etirazlar keçmiş prezident Pedro Kastilonun 2022-ci il dekabrın 7-də Konqres tərəfindən impiçment edilməsindən sonra başlayıb.

 


Oxunma sayı: 2179

Oxşar yazılar