İmişlidə avtomobil yolun üzərində uzanmış şəxsi vurub

  • 20:45 - 18 Mart

İmişli rayonunda avtomobil yolun üzərində uzanmış şəxsi vurub öldürərək qaçıb.

Azvision.az -ın məlumatına görə, hadisə martın 17-si saat 23 radələrində İmişli-Boşçallar-Sarıxanlı avtomobil yolunun Sarıxanlı kəndi ərazisindən keçən hissədə qeydə alınıb.

Belə ki, 1956-cı il təvəllüdlü Murtuzayev Ziyadxan Həsənbala oğlu idarə etdiyi “VAZ-2106” markalı avtomobillə hərəkətdə olarkən asfalt örtüyünün üzərində uzanmış vəziyyətdə olan İmişli rayon Boşçallar kənd sakini, 1973-cü il təvəllüdlü Xasayev Fərman Qəhrəman oğlunu görməyib. Bu zaman sürücü avtomobillə onun üzərindən keçib. Nəticədə Z.Murtuzayev F.Xasayevin ehtiyatsızlıqdan ölümünə səbəb olub və avtomobili saxlamayaraq hadisəsi yerindən qaçıb.

İmişli Rayon Polis Şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma) və 264-cü (Yol nəqliyyat hadisəsi yerindən qaçma) maddələri ilə cinayət işi başlanaraq istintaq aparılır.

İstintaq zamanı Z.Murtuzayev şübhəli şəxs qismində tutulub.


Oxunma sayı: 2916

Oxşar yazılar

Türkiyənin Azərbaycandakı səfirliyində yeni TƏYİNAT
Türkiyənin Azərbaycandakı səfirliyində yeni TƏYİNAT
  • 12:00 - 19 Aprel
Paris İrəvanla Bakı arasında münasibətlərin normallaşmasına mane olur - AÇIQLAMA
Paris İrəvanla Bakı arasında münasibətlərin normallaşmasına mane olur - AÇIQLAMA
  • 21:27 - 18 Aprel
Troyada ən qədim yaşayış məskənləri - FOTO
Troyada ən qədim yaşayış məskənləri - FOTO
  • 14:59 - 17 Aprel