Bosniya və Herseqovinada Türkiyə üçün yardım kampaniyası düzənləndi

Bosniya və Herseqovinada Türkiyə üçün yardım kampaniyası düzənləndi - FOTO

10:42 - 17 Mart

Bosniya və Herseqovina Radio və Televiziyasının (BHRT) ev sahibliyi ilə fevralın 6-da baş verən Kahramanmaraş mərkəzli zəlzələdən zərər çəkənlər üçün canlı yayımda yardım kampaniyası təşkil edilib.

Avropa.info xəbər verir ki, BHRT və Bosniya və Herseqovina yardım təşkilatı Pomozi.ba ilə əməkdaşlıqda yerli vaxtla 20:00-23:00 arasında reallaşan canlı yayıma ölkənin siyasət, iş, sənət və idman dünyasından bir çox ad qatılıb.

Suriyada zəlzələdən zərər çəkənlərə təşkil edilən yardım kampaniyası çərçivəsində 80 mindən çox yardım çağırışı qəbul edilib və 150 min avrodan çox yardım toplanıb.

Proqrama qatılan Bosniya və Herseqovina Rəyasət Heyətinin bosniyalı üzvü Denis Becirovic Türkiyənin 2014-cü ildə sel fəlakətində ilk yardım edən ölkə olduğunu xatırladıb.

Şuranın xorvat üzvü Zeljko Komsiç də əvvəlki günlərdə Bosniya və Herseqovinadan Türkiyəyə çoxlu yardım göndərildiyini ifadə edərək, "Bir Bosniya və Herseqovina vətəndaşı olaraq bu axşam təşkil edilən proqramla fəxr edirəm", deyib.

Türkiyənin Sarayevo səfiri Sadık Babür Girgin bildirib ki, hazırda ən böyük ehtiyac daimi iqamətgahlardır. "Bu mövzuda da tikintiyə başlanılıb, 1 il ərzində başa çatdırılması gözlənilir. Dostlarımızın dəstəyi ilə biz də bu işin öhdəsindən gələcəyik", - deyə o qeyd edib.

Proqramda xarici işlər naziri Elmedin Konakoviç, tanınmış teatr və kino aktyorları, Bosniya, Xorvatiya və Serb din xadimləri, sosial media fenomenləri, media nümayəndələri və bir çox şirkət nümayəndələri iştirak edərkən, canlı yayım Bosniya və Herseqovinanın hər yerindən böyük maraqla qarşılanıb.

Canlı yayımda “Trabzonspor”da çıxış edən bosniyalı futbolçu Edin Viska, “Fənərbaxça”nın keçmiş futbolçusu Elvir Boliç kimi adlar yer alıb.

Bu arada, BHRT binasında və canlı yayımın keçirildiyi tarixi Viyecnica Kitabxanasında gecə boyu təşviqat posterləri proyeksiya edilib.