2026-cı ildə keçiriləcək dünya çempionatında bir İLK: FİFA bu formatı təsdiqlədi

  • 14:28 - 15 Mart

Beynəlxalq Futbol Federasiyasının (FİFA) İdarə Heyəti 2026-cı ildə keçiriləcək dünya çempionatının formatını təsdiqləyib. 

Avropa.info xəbər verir ki, bu barədə FİFA-nın mətbuat xidməti məlumat yayıb. 

2017-ci ildə FİFA 2026-cı il dünya çempionatında ilk dəfə 48 komandanın iştirak edəcəyini açıqlayıb. Turnirin qrup mərhələsi 72 oyundan ibarət olacaq - komandalar hər biri dörd komandadan ibarət 12 qrupa bölünəcək, birinci iki yeri tutacaq dördlüklərdən iki komanda və üçüncü yeri tutacaq ən yaxşı səkkiz komanda çıxacaq.  

Qrup mərhələsindən sonra komandalar 1/16 final mərhələsində oynayacaqlar. Ümumilikdə turnir 104 qarşılaşmadan ibarət olacaq. Əvvəllər dünya çempionatlarında 32 komanda iştirak edirdi, turnir 64 görüşdən ibarət idi. 

Turnir 56 gün davam edəcək. Final matçı 2026-cı il iyulun 19-na təyin edilib. 

2026-cı ildə futbol üzrə dünya çempionatı ilk dəfə üç ölkədə keçiriləcək: Kanada, ABŞ və Meksika.


Oxunma sayı: 7855

Oxşar yazılar