Paris İrəvanla Bakı arasında münasibətlərin normallaşmasına mane olur - AÇIQLAMA
Bakı ABŞ-Aİ-Ermənistan sövdələşməsini iflasa uğradacaq - AÇIQLAMA
Bu, Azərbaycanın yaratdığı reallıqların dünya gücləri tərəfindən qəbuludur - AÇIQLAMA
Kafedə insanlar girov götürüldü: Bölgədəki evlər boşaldıldı
İsrail BMT sülhməramlılarının maşınını vurdu: Yaralılar var
DİN-dən oğlunu görmək adı ilə qaçıran ata ilə bağlı AÇIQLAMA - VİDEO
Özbəkistan prezidenti təhlükəsizlik tədbirlərinin gücləndirilməsi barədə göstəriş verib
Direktoru işdən çıxarılan "məşhur" məktəb imiş - DETALLAR - YENİLƏNİB
“Azneft”in baş direktoru vəzifəsindən azad edildi - Yeni təyinat
Azərbaycanda qadın döyüşçülərin qədim məzarlığı aşkar edilib - FOTO
Ərdoğan: Kiyevə tankların çatdırılması münaqişənin həllinə gətirib çıxarmayacaq
- 14:22 - 02 Fevral
Qərb ölkələrinin Kiyevə silah, o cümlədən tankların tədarükü Ukraynadakı münaqişənin həllinə gətirib çıxarmayacaq.
Avropa.info xəbər verir ki, bunu Türkiyə prezidenti Rəcəb Tayyib Ərdoğan TRT-yə müsahibəsində deyib.
"Mən deyə bilmərəm ki, tankların tədarükü [Ukraynadakı münaqişənin] həlli istiqamətində bir addımdır. Biz Qərb dövlətlərindən Ukrayna və Rusiya arasında danışıqlara dair çağırışlarımızı dəstəkləyəcəklərini gözləyirik", - deyə o bildirib.
Həmçinin, Ərdoğan Kiyevə silah tədarükünün artırılmasını nəzərdə tutaraq, bu “riskli addımın <...> xüsusilə silah baronları üçün faydalı olduğunu” vurğulayıb.
Xatırladaq ki, NATO-nun baş katibi Yens Stoltenberq daha əvvəl bildirmişdi ki, Ukraynaya silah tədarükü gələcəkdə münaqişənin sülh yolu ilə həllinə şərait yarada bilər.
Yanvarın 25-də ABŞ hakimiyyəti Kiyevə 31 "M1 Abrams" tank tədarük etmək niyyətində olduqlarını açıqlayıb. Həmin gün Almaniya hökuməti Ukraynaya 14 "Leopard 2" tankı göndərəcəyini və digər ölkələrə bu maşınların təkrar ixracına icazə verəcəyini təsdiqləyib. Almaniyanın müdafiə naziri Boris Pistoriusun sözlərinə görə, “Leopard 2” “martın sonuna qədər” Ukraynaya göndəriləcək. Norveç, Slovakiya, Böyük Britaniya, Polşa və Fransa da Kiyevə Qərb istehsalı olan tanklar vermək niyyətində olduqlarını bəyan ediblər. Kiyev ilk partiya olaraq 12 ştatdan 140-a qədər tank alacağını gözləyir.
Rusiya prezidentinin mətbuat katibi Dmitri Peskov qeyd edib ki, Vaşinqtonun qərarları və digər ölkələrə təzyiqləri səbəbindən Ukraynadakı vəziyyət ətrafında gərginliyin dərəcəsi artır.
