ABŞ-dan İŞİD-ə qarşı ƏMƏLİYYAT: Terror təşkilatının başçılarından biri və 10 üzvü öldürüldü

  • 09:17 - 27 Yanvar

ABŞ hərbçilərinin Somalidə keçirdiyi əməliyyat zamanı İŞİD liderlərindən Bilal əl-Sudani və terror təşkilatının 10 üzvü öldürülüb. 

Avropa.info xəbər verir ki, bu barədə anonimlik şərti ilə ABŞ administrasiyasının iki yüksək vəzifəli məmuru məlumat verib. 

Əl-Sudani qrupun maliyyə və maddi-texniki dəstəyinə cavabdeh olduğu bildirilir. 

Rəsmilər bildiriblər ki, terrorçu ötən gecə Somalinin şimalındakı "dağ mağara kompleksi"nə basqın zamanı öldürülüb. 

Bilal əl-Sudani 2012-ci ildən ABŞ Maliyyə Nazirliyinin sanksiya siyahısındadır. 

Mövcud məlumata görə, o, “Əş-Şəbab” terror təşkilatının təlim düşərgələrində əcnəbi döyüşçülərin təlimini təşkil edib və bu qruplaşmanın maliyyələşdirilməsində iştirak edib.


Oxunma sayı: 1816

Oxşar yazılar