MAQATE-nin daimi nümayəndəlikləri Ukraynadakı bütün AES-lərdə fəaliyyətə başladı

  • 11:34 - 24 Yanvar

Ukraynanın bütün atom elektrik stansiyalarında Beynəlxalq Atom Enerjisi Agentliyinin (MAQATE) daimi nümayəndəlikləri fəaliyyətə başlayıb. 

Avropa.info xəbər verir ki, bu barədə “Energoatom” NNEGC-nin məlumatında bildirilib. 

“Son bir həftə ərzində Beynəlxalq Atom Enerjisi Agentliyinin nümayəndələri yerli nüvə obyektlərinə gəliblər. İndi mütəxəssislər XAES-də işə başlayıblar, ona görə də indi daimi nümayəndəliklər Rivne, Çernobıl, Cənubi Ukrayna və Xmelnitski AES-lərində işləyəcək”, - məlumatda deyilir. 

Agentlik qeyd edib ki, missiyaların vəzifəsi Ukraynadakı nüvə obyektlərinin nüvə və radiasiya təhlükəsizliyini qorumaqdır. 

“Energoatom” əlavə edib ki, ekspertlər Ukrayna hökumətinin rəsmi müraciətinə cavab olaraq stansiyalarda işləyəcəklər. 

MAQATE-nin missiyası 2022-ci ilin sentyabrından Zaporojye AES-də işləyir.


Oxunma sayı: 672

Oxşar yazılar