![](/ckfinder/userfiles/images/kriminal/sosial/ilham%20%C9%99liyev%20putin%20pa%C5%9Finyan%2016673701%5D.jpg)
İlham Əliyevlə Paşinyan arasında yeni görüş olacaq? - Kremldən AÇIQLAMA
- 15:58 - 07 Dekabr
Rusiya Azərbaycan prezidenti İlham Əliyevlə Ermənistanın baş naziri Nikol Paşinyan arasında yeni görüşün öz ərazisində keçirilməsi üçün bütün lazımi yardımı göstərməyə hazır olacaq.
Avropa.info TASS-a istinadən xəbər verir ki, bu barədə dekabrın 7-də jurnalistlərə Rusiya prezidentinin mətbuat katibi Dmitri Peskov məlumat verib.
"Rusiya, təbii ki, öz ərazisində belə bir görüşün keçirilməsi üçün bütün lazımi yardımı göstərməyə hazır olacaq", - Kremlin sözçüsü müvafiq suala cavab verib.
İlin sonunda Sankt-Peterburqda keçirilə biləcək MDB-nin qeyri-rəsmi sammitindən danışarkən o qeyd edib: “Bütün razılaşmalar yekunlaşdıqdan sonra belə bir Yeni il öncəsi görüşün <...> keçirilməsi ideyaları var. Bununla bağlı müvafiq açıqlama verəcəyik”. “Görüşdən sonra [Əliyev və Paşinyan], həmçinin anlaşma olarsa, sizə məlumat verəcəyik”, - Peskov yekunlaşdırıb.