İŞİD terror təşkilatının daha bir lideri öldürüldü – ABŞ Mərkəzi Komandanlığı ELAN ETDİ
- 11:01 - 01 Dekabr
ABŞ Mərkəzi Komandanlığı (CENTCOM) Əbu İbrahim əl-Haşimi əl-Qureyişinin ölümündən sonra İŞİD-in başına keçən Əbu Həsən əl-Haşimi əl-Qureyşinin də öldürüldüyünü açıqlayıb.
Avropa.info xəbər verir ki, bu barədə komandanlığın sözçüsü polkovnik Co Buccino açıqlamasında jurnalistlərə açıqlamasında deyib. “Əbu İbrahim əl-Haşimi əl-Qureyişinin ölümündən sonra, oktyabrın ortalarında İŞİD yenidən vuruldu. Əbu Həsən əl-Haşimi əl-Qureyşinin öldürülməsi əməliyyatı Dərə əyalətində Azad Suriya Ordusu tərəfindən həyata keçirilib”, - deyə o bildirib.
Buccino İŞİD-in bölgə üçün təhlükə yaratmağa davam etdiyini və CENTCOM-un təşkilatı tamamilə məğlub etməyi hədəflədiyini bildirib.
Qeyd edək ki, ABŞ qüvvələri İraq, Suriya və İordaniya sərhədlərinin qovşağında yerləşən Ət-Tanf bölgəsində yerləşən Mühavvir əs-Saura adlı müxalif qrupla əməkdaşlıq edir.
Bu qrup bir müddət əvvəl adını Azad Suriya Ordusu olaraq dəyişdirib.
İŞİD-in ilk lideri Əbu Bəkr əl-Bağdadinin yerinə keçmiş Əbu İbrahim əl-Haşimi əl-Qureyşi fevral ayında ABŞ xüsusi təyinatlılarının Suriyanın şimal-qərbində keçirdiyi əməliyyat zamanı öldürülüb.