ABŞ Ukraynaya əlavə 400 milyon dollar ayırır

  • 11:36 - 24 Noyabr

ABŞ prezidenti Co Bayden Ukraynaya təhlükəsizlik və müdafiə məqsədilə əlavə 400 milyon dollarlıq yardım göstərmək üçün memorandum imzalayıb. 

“Birləşmiş Ştatların Konstitusiyası və qanunları, o cümlədən 1961-ci il Xarici Yardım Aktının 621-ci Bölməsi ilə Prezident kimi mənə verilən səlahiyyətlərə uyğun olaraq, mən bununla həmin Qanunun 506(a) bəndinə uyğun olaraq səlahiyyətləri Dövlət Katibinə verirəm. Ukraynaya yardım göstərmək və lazımi qərarlar qəbul etmək üçün Müdafiə Nazirliyinin müdafiə vasitələri və xidmətləri, o cümlədən hərbi təhsil və təlim üçün 400 milyon dollara qədər vəsait ayırsın”, - memorandumda deyilir. 

Avropa.info xəbər verir ki, növbəti hərbi yardım paketinin bir hissəsi kimi Kiyev HARM antiradar raketlərinin yeni partiyasını, HIMARS reaktiv buraxılış sistemləri və NASAMS zenit-raket kompleksləri üçün sursat alacaq. 

Eyni məbləğdə ABŞ yardımının əvvəlki tranşı noyabrın 10-da açıqlanıb. O, xüsusilə, HAWK sistemləri üçün raketlərin, dörd Avenger hava hücumundan müdafiə sistemlərinin və onlar üçün Stinger raketlərinin, həmçinin HIMARS sistemləri üçün sursatların Ukraynaya təhvil verilməsini təmin edib.


Oxunma sayı: 2058

Oxşar yazılar

Bakı-Quba yolunda ağır qəza, ölən var - ANBAAN VİDEO
Bakı-Quba yolunda ağır qəza, ölən var - ANBAAN VİDEO
  • 21:47 - 30 Sentyabr
Ermənistan prezidenti “YOXA ÇIXDI”
Ermənistan prezidenti “YOXA ÇIXDI”
  • 20:31 - 30 Sentyabr
Araik yaxın günlərdə Bakıya gətiriləcək - Polkovnik AÇIQLADI
Araik yaxın günlərdə Bakıya gətiriləcək - Polkovnik AÇIQLADI
  • 19:58 - 30 Sentyabr