Lavrovdan Qarabağla bağlı AÇIQLAMA: "KTMT müşahidəçilərindən istifadə imkanları müzakirə olunur”

  • 12:56 - 30 Sentyabr

MDB ölkələrindən heç biri ABŞ-ın onların daxili işlərinə qarışmaq cəhdlərindən sığortalanmayıb. 

Avropa.info xəbər verir ki, bunu cümə günü Rusiyanın xarici işlər naziri Sergey Lavrov MDB-yə üzv dövlətlərin təhlükəsizlik orqanları və kəşfiyyat xidmətləri rəhbərlərinin kəşfiyyat fəaliyyəti üzrə Konfransının 18-ci iclasında deyib. 

Rusiya diplomatiyasının rəhbəri vurğulayıb ki, Avropa İttifaqı nəhayət ki, strateji muxtariyyət ambisiyalarını itirib və ABŞ-ın tətbiq etdiyi siyasətdən böyük itkilər çəkir. 

Lavrov Qarabağ münaqişəsinin həlli üçün MDB-nin dəstəyinin vacibliyini də bəyan edib. 

Nazirin sözlərinə görə, “Qarabağda münaqişənin həlli üçün əlverişli şəraitin yaradılmasına yardım etmək üçün KTMT müşahidəçilərindən istifadə imkanları müzakirə olunur”. 

Rusiya XİN rəhbəri qeyd edib ki, Qərb başqalarının maraqları hesabına öz inkişafı problemlərinin həlli kursundan əl çəkmək niyyətində deyil. 

“ABŞ başda olmaqla kollektiv Qərb dünya hökmranlığını təmin etmək, beynəlxalq birliyin digər üzvlərinin maraqları hesabına öz inkişafı problemlərini həll etmək kursundan əl çəkmək niyyətində deyil”, - deyə nazir bildirib. 

Lavrov əlavə edib ki, Qərb ölkələri və xalqları çəkişdirmək, postsovet məkanını daha da parçalamaq üçün MDB ölkələrinə münasibətdə “parçala və hökm sür” fəlsəfəsini fəal şəkildə tətbiq edir. “Sirr deyil ki, “parçala və hökm sür” fəlsəfəsi Qərb tərəfindən keçmiş Sovet İttifaqı dövlətlərinə münasibətdə fəal şəkildə tətbiq olunur. Məqsəd tamamilə aydındır - postsovet məkanını daha da parçalamaq, ölkələrimizi və xalqlarımızı dava etmək”, - Rusiya XİN rəhbəri qeyd edib. 

Onun sözlərinə görə, Qərb ukraynalıların əli və canı ilə Rusiyaya qarşı mübarizəni davam etdirmək niyyətini gizlətmir və bunu müstəsna olaraq xərclənən material hesab edir. “Bu gün Vaşinqton, London, Brüssel yalnız xərclənən material sayılan ukraynalıların əlləri və canları ilə döyüş meydanında Rusiyaya qarşı mübarizəyə ehtiyatsızcasına sərmayə qoymağa davam etmək niyyətlərini gizlətmirlər”, - Rusiya diplomatiyasının rəhbəri əlavə edib.


Oxunma sayı: 2531

Oxşar yazılar