DİN-dən saxlanılan “siçan”la bağlı AÇIQLAMA

  • 17:05 - 29 Sentyabr

Daxili İşlər Nazirliyi Bakı şəhəri, Səbail rayonu ərazisində - “Tarqovıy” adlanan yerdə maskot (“siçan” obrazında) fəaliyyəti göstərən şəxsin saxlanılması və məhkəmə tərəfindən cərimələnməsinə münasibət bildirib.

Avropa.info-nun məlumatına görə, nazirliyin Mətbuat xidmətinin əməkdaşı Nurlan Əliyev “qafqazinfo”ya açıqlamasında bildirib ki, maskot kimi fəaliyyət göstərən şəxsin fəaliyyətinin məhdudlaşdırılması qanunla tənzimlənir: 

“Küçədə hansısa ödəniş müqabilində lisenziyalaşdırılmayan fəaliyyət qanunsuz hesab edildiyi üçün inzibati xəta—küçə ticarətinin tərkib əlamətlərini yaradır. Səbail rayonu, Nizami küçəsində qanunsuz fəaliyyət göstərən şəxsə bu əməllə bağlı dəfələrlə edilən xəbərdarlıqlara, iradlara məhəl qoymadığı üçün müvafiq polis orqanına dəvət edilən zaman polisin qanuni tələblərinə qəsdən tabe olmayıb və barəsində inzibati tənbeh tədbiri tətbiq olunub”.

Qeyd edək ki, maskot fəaliyyəti göstərən 33 yaşlı şəxs barəsində tərtib edilmiş protokola əsasən o, Səbail Rayon Məhkəməsinin qərarı ilə 200 manat cərimələnərək sərbəst buraxılıb.


Oxunma sayı: 3488

Oxşar yazılar