Məhkəmə zalından həbs edilən MTN zabitinin müsadirə olunan əmlakları - SİYAHI

  • 19:46 - 21 Sentyabr

Ləğv edilmiş Milli Təhlükəsizliyi Nazirliyinin (MTN) istintaq idarəsinin rəis müavini, 1-ci şöbənin rəisi polkovnik Yasin Məmmədovun müsadirə olunan əmlaklarının siyahısı məlum olub.

Avropa.info-nun Trend-ə istinadla məlumatına görə, Bakı Hərbi Məhkəməsinin hökmü ilə Yasin Məmmədovun öz adına və qohumu Fərid Məmmədovun adına rəsmiləşdirilmiş ümumilikdə 278 min 600 manatlıq əmlakı müsadirə olunub.

Həmin əmlaklar:

Bakı şəhəri Mikayıl Müşfiq küçəsində yerləşən 102 min 200 manatlıq ev;

Nərimanov rayonu Koroğlu Rəhimov küçəsində yerləşən 104 min manatlıq mənzil;

Sabunçu rayonu, Ləhiş bağlarında yerləşən 72 min manatlıq torpaq sahəsidir.

Xatırladaq ki, bu gün elan olunmuş hökmə əsasən ləğv edilmiş Milli Təhlükəsizliyi Nazirliyinin (MTN) Baş İstintaq İdarəsinin rəisi, general-mayor Mövlam Şixəliyev 12 il, istintaq idarəsinin rəis müavini, 1-ci şöbənin rəisi Yasin Məmmədov 10 il 6 ay, istintaq idarəsinin 2-ci şöbənin rəisi, polkovnik Vüsal Ələkbərov 11 il 2 ay, istintaq idarəsinin metodiki yardım və kriminalistika şöbəsinin rəis müavini Sahib Ələkbərov isə 8 il azadlıqdan məhrum edilib.

Yasin Məmmədov, Vüsal Ələkbərov və Sahib Ələkbərov məhkəmə zalından həbs edilib.


Oxunma sayı: 2751

Oxşar yazılar

Bakı-Quba yolunda ağır qəza, ölən var - ANBAAN VİDEO
Bakı-Quba yolunda ağır qəza, ölən var - ANBAAN VİDEO
  • 21:47 - 30 Sentyabr
Ermənistan prezidenti “YOXA ÇIXDI”
Ermənistan prezidenti “YOXA ÇIXDI”
  • 20:31 - 30 Sentyabr
Araik yaxın günlərdə Bakıya gətiriləcək - Polkovnik AÇIQLADI
Araik yaxın günlərdə Bakıya gətiriləcək - Polkovnik AÇIQLADI
  • 19:58 - 30 Sentyabr