ABŞ-dan Çinlə gərginliyi artıracaq YENİ QƏRAR

  • 21:17 - 14 Avqust

ABŞ Konqresinin yeni nümayəndə heyəti Nensi Pelosinin Çinlə gərginliyə səbəb olan Tayvan səfərindən 12 gün sonra adaya gəlib.

Avropa.info xəbər verir ki, ABŞ-ın Tayvandakı faktiki səfirliyi olan Amerika İnstitutundan verilən açıqlamada, Demokrat Partiyasının Massaçusets ştatından senator Ed Markinin başçılıq etdiyi 5 nəfərlik nümayəndə heyəti Asiya turu çərçivəsində adaya səfər edib. 

"Nümayəndə heyəti yüksək vəzifəli şəxslərlə ABŞ-Tayvan münasibətləri, regional təhlükəsizlik, ticarət, investisiya və digər məsələlərlə bağlı danışıqlar aparacaq", - məlumatda deyilir. 

Markeyi Respublikaçı Nümayəndələr Palatasının üzvləri Aumua Amata Koulman və Demokratlar Palatasının Nümayəndələr Palatasından Con Qaramendi, Alan Lovental və Don Beyer müşayiət edir.

Pelosinin və 5 nəfərlik Konqres heyətinin avqustun 2-də və 3-də səfəri adaya öz ərazisi kimi baxan Pekinin reaksiyasına səbəb olub. Səfərdən sonra Çin adanın ətrafında hərbi təlimlərə başlayıb. 

6 bölgədə keçirilən təlimlər adanın ətrafında faktiki blokada yaradıb. Həqiqi silah və sursatlardan istifadə edilən təlimlər zamanı Çindən atılan idarə olunan raketlər Tayvan yaxınlığındakı sulara düşüb.

Ordu sözçüsü təlimlərin avqustun 10-da başa çatdığını açıqlayıb, lakin Tayvan boğazında hərbi patrul fəaliyyətinin davam edəcəyini bildirib. 

Pelosi son 25 ildə Çinlə suverenlik münaqişəsində olan adaya səfər edən ABŞ Nümayəndələr Palatasının ilk sədri olub. 1997-ci ilin əvvəlində Nyut Qinqriç bu missiyada olarkən Tayvana səfər etmişdi.


Oxunma sayı: 1673

Oxşar yazılar