Şahruddinə kömək etmək istəyən azyaşlı danışdı: Məni eşitmədi... - VİDEO

  • 23:16 - 24 İyul

Çempionlar liqasında "Qarabağ"ın İsveçrə çempionu "Sürix"lə qarşılaşmasında topdaşıyan qismində klubun 16 yaşlılardan ibarət komandasının üzvü Fərid Məmmədyarov da iştirak edib.

Avropa.info xəbər verir ki, 3:1 hesabıyla öndə olan "Qarabağ"ın qapısına sona 5 dəqiqə qalmış penalti təyin olunub.

Balaca futbolçu "Qarabağ"ın qapıçısı Şahruddin Məhəmmədəliyevə kömək üçün rəqib futbolçunun sola vuracağını nə qədər qışqırsa da, xeyri olmur.

Fəridin canfəşanlığı sonradan penaltidəki əsas qəhrəmanları da kölgədə qoyur. O, bir anda internet fenomeninə çevrilir. Hər kəs ona öz sevgisini ifadə edir.

Qarabağın qapıçısı Şahruddin Məhəmmədəliyev isə "Xəzər Xəbər"ə açıqlamasında bütün diqqətinin oyunda olduğunu və uşağı sadəcə eşitmədiyini bildirib.


Oxunma sayı: 4214

Oxşar yazılar