NATO Sammitinin yekun bəyannaməsi YAYILDI: İsveç və Finlandiyaya rəsmi dəvət

NATO Sammitinin yekun bəyannaməsi YAYILDI: İsveç və Finlandiyaya rəsmi dəvət – FOTO

17:01 - 29 İyun

İspaniyanın paytaxtı Madriddə keçirilən NATO Liderlər Zirvəsinin yekun bəyannaməsi paylaşılıb. “Madrid sammiti ittifaqımızın möhkəmləndirilməsində və onun birləşməsinin sürətləndirilməsində dönüş nöqtəsidir”, - bəyanatda deyilir.

Avropa.info xəbər verir ki, NATO İsveç və Finlandiyanı alyansa dəvət etmək qərarına gəlib. Yekun bəyannamədə ən böyük təhlükənin Rusiya olduğu vurğulanıb. NATO həmçinin Çini beynəlxalq nizamı pozmaqda ittiham edib.

Sammitlə bağlı mühüm açıqlama NATO-dan gəlib. Türkiyənin dünən əldə etdiyi razılaşmadan sonra Finlandiya və İsveçin dəvət edildiyi bildirilib.

NATO Liderler Zirvesi'nin sonuç bildirgesi: İsveç ve Finlandiya birliğe davet edildi - 1

Razılaşma dünya mətbuatında “Ərdoğanın qələbəsi” kimi şərh edilib.

NATO-nun yekun bəyannaməsində aşağıdakı ifadələr yer alıb:

Biz İsveç və Finlandiyanı alyansa dəvət etmək qərarına gəldik. Biz Rusiya ilə münasibətlərin pisləşməsini əks etdirən yeni strateji konsepsiya qəbul etdik. Biz müdafiə və çəkindirmə gücümüzü çox gücləndirəcəyik.

Müttəfiqlərimizin təhlükəsizliyinə ən böyük və birbaşa təhdid Rusiyadır.

Madrid sammitində yeni strateji konsepsiya qəbul edilib. Rusiya dərhal müharibəni dayandırmalı və Ukraynadan çıxmalıdır. Biz Ukraynanın müdafiə sektorunun modernləşdirilməsinə dəstəyi artırmaq qərarına gəldik.

Biz enerji təhlükəsizliyimizi artıracağıq, hərbi qüvvələrimizi etibarlı enerji mənbələri ilə təmin edəcəyik. Biz Rusiyanın təcavüzü qarşısında Ukraynaya siyasi və meydan dəstəyimizi artıracağıq.

NATO Liderler Zirvesi'nin sonuç bildirgesi: İsveç ve Finlandiya birliğe davet edildi - 3

Maraqlarımızı, təhlükəsizliyimizi və dəyərlərimizi sınaqdan keçirən Çin qaydalar üzərində qurulmuş beynəlxalq nizamı pozur.

NATO-nun baş katibi Yens Stoltenberq sammitin yekun bəyannaməsi dərc edildikdən sonra kameralar qarşısına keçib.

NATO-nun baş katibi Yens Stoltenberq müttəfiqlərin yeni Strateji Konsepsiya sənədini qəbul etdiyini açıqlayıb.

Stoltenberq aşağıdakı ifadələrdən istifadə edib:

Yeni konsepsiyada Rusiya təhlükəsinə diqqət çəkilib. Rusiya 2010-cu ildə strateji konsepsiyada xarici tərəfdaş olduğu halda, indi birbaşa təhlükə kimi müəyyən edilir.

Finlandiya və İsveçi alyansa dəvət etmək qərarına gəldik. Finlandiya, İsveç və Türkiyə arasında razılaşma bunu mümkün etdi. Ona görə də Türkiyəyə təşəkkür etmək istəyirəm.

NATO üzvləri Ukraynaya hərtərəfli dəstək paketini gücləndirmək barədə razılığa gəliblər.