Finlandiyanın ən böyük korporasiyası biznesini satıb Rusiyanı tərk edəcək
- 12:28 - 28 İyun
Lift və eskalatorların istehsalı üzrə ixtisaslaşan Finlandiyanın KONE korporasiyası özünün Rusiya bölməsini - KONE Lifts ASC-ni şirkətin top menecmentinə satmaq qərarına gəlib.
Avropa.info xəbər verir ki, bu barədə KONE məlumatında deyilir.
Sənəddə deyilir: “Sövdələşmənin strukturu və dəyəri açıqlanmayıb, onun 2022-ci ilin dördüncü rübündə Rusiyanın tənzimləyici orqanları tərəfindən lazımi təsdiqdən sonra bağlanacağı gözlənilir”.
Yeni şirkət “KONE Lifts” ASC-nin top menecerləri, baş direktor Aleksey Samkoviç, maliyyə direktoru Veronika Merkulova və Hüquq departamentinin rəhbəri Yelena Eppə məxsus olacaq.
KONE Korporasiyası ilə gələcək sahiblər arasında müqavilə iyunun 28-də imzalanıb.