Özbəkistanda konstitusiya dəyişikliyi: Prezidentin səlahiyyət müddəti ARTIRILIR

  • 12:50 - 25 İyun

Özbəkistan prezidentinin səlahiyyət müddətinin 5 ildən 7 ilə uzadılması planlaşdırılır. 

Avropa.info gazeta.uz-a istinadən xəbər verir ki, bu, iyunun 25-də ictimai müzakirəyə çıxarılan ölkə Konstitusiyasına dəyişikliklər haqqında qanun layihəsində nəzərdə tutulub. 

Sənəd Konstitusiyanın 90-cı maddəsinin 2-ci hissəsinə dəyişiklikləri, yəni “beş” sözünün “yeddi” ilə əvəz edilməsini nəzərdə tutur. 

Senat sədrinin birinci müavini Sadıq Səfəyev qeyd edib ki, yeni Konstitusiyanın qəbulu bütün vətəndaşlara, o cümlədən hazırkı prezidentə dövlət başçısının seçkilərində iştirak etmək imkanı verəcək. O, əlavə edib ki, Şavkat Mirziyoyev “hakimiyyətdən yapışan siyasətçi deyil”. 

Qeyd edək ki, sonuncu dəfə prezidentlik müddəti 2011-ci ildə dəyişdirilib. Sonra müddətlər 7 ildən 5 ilə endirilib.


Oxunma sayı: 1970

Oxşar yazılar