"Xəstəliyi yüngül keçirmək üçün "buster" doza tövsiyə olunur" - İnfeksionist

  • 17:53 - 26 Yanvar

İki doza vurduran şəxslərin təxminən üçdə bir hissəsi artıq buster dozanı vurdurub. Onların vaksin sertifikatının yararlılıq müddəti artıb.

Avropa.info xəbər verir ki, bunu Səhiyyə Nazirliyinin mütəxəssis-eksperti, infeksionist Təyyar Eyvazov deyib.

Onun sözlərinə görə, "buster" dozanın qəbulu pandemiya dövrünün tələbidir:

"İki doza peyvənd olunanlar immunitet zəiflədiyindən həssas olurlar. Həmin şəxsləri də qapalı məkanlara buraxmaqla infeksiyanın daha sürətlə yayılmasına şərait yaratmış olarıq. Ona görə də müəyyən məhdudiyyətlərin tətbiqi doğru addımdır.

Bu gün ölkədə heç bir halda “vaksin yoxdur” kəlməsi işlədilmir. İstənilən şəxs istədiyi vaxt sağlamlığı imkan verdikcə müraciət edir və peyvənd olunur. “Omikron” dalğası dövründə "buster" dozanın əhəmiyyəti böyükdür. Artım tendensiyası davam edəcək. Bunun qarşısını almaq, insanların xəstəliyi yüngül keçirməsi, eləcə də xəstəxana yatışının az olması üçün üçüncü doza qətiyyətlə tövsiyə edilir”.


Oxunma sayı: 1123

Oxşar yazılar