Türk kəşfiyyatı və TSQ-dan İraqda ortaq əməliyyat: PKK terror təşkilatının daha bir lideri MƏHV EDİLDİ
- 00:14 - 11 Noyabr
Türkiyə Milli Kəşfiyyat Teşkilatı (MİT) ve Türkiyə Silahlı Qüvvələrinin İraqın şimalındakı Gara bölgəsində həyata keçirdiyi ortaq əməliyyat nəticəsində PKK/KCK terror təşkilatının "mərkəzi komitəsinin" üzvü, qırmızı bülletenlə axtarışda olan Nazlı Taşpınar məhv edilib.
Avropa.info xəbər verir ki, bu haqda Anadolu Agentliyi məlumat yayıb.
A.A-nın Türkiyə təhlükəsizlik qaynaqlarına istinadən verdiyi məlumata görə, terror təşkilatının idarəçilərinin zərərsizləşdirilməsi çərçivəsində təqib edilən "Emine Erciyes" kod adlı Nazlı Taşpınarın Garadakı gizləndiyi yer MİT tərəfindən təsbit edilib. Bundan sonra MİT və TSQ-nın birgə əməliyyatı nəticəsində terrorçu məhv edilib.
1994-cü ildə PKK-ya qatılan Taşpınara o zamanlar Abdullah Öcalan şəxsən təlim keçib.
Terror təşkilatı daxilində müxtəlif səviyyələrdə fəaliyyət göstərən və qadın terrorçuların hazırlanmasında rolu olan Taşpınar, Türkiyəyə qarşı bəzi terror aktlarına rəhbərlik edib.
Avropa.info