Doğum günündə şəhid olan baş leytenant Ağaqardaş Abbasovun ANIM GÜNÜ QEYD OLUNUR -FOTOLAR
- 13:55 - 05 Noyabr
44 günlük Vətən müharibəsində şəhid olmuş Zərdab rayonunun Hüseynxanlı kənd sakini baş leytenant Ağaqardaş İlham oğlu Abbasovun şəhadətinin ildönümü qeyd olunub.
Avropa.info xəbər verir ki, şəhidin doğulub-böyüdüyü və ailəsinin yaşadığı Hüseynxanlı kəndində anım mərasimi keçirilmişdir.
Mərasimdə Zərdab rayon İcra Hakimiyyətinin başçısı Mərdan Camalzadə,rayonun hüquq-mühafizə orqanlarının rəhbərləri, Gənclər və idman idarəsinin rəisi, Təhsil şöbəsinin müdiri, rayon ictimaiyyətinin nümayəndələri, şəhid ailələrinin üzvləri, qazilər, müharibə iştirakçıları iştirak ediblər.
Azərbaycanın ərazi bütövlüyü uğrunda canından keçmiş şəhidin məzarı ziyarət olunmuş, onun əziz xatirəsi ehtiramla anılmış, dualar oxunmuş, döyüş yolu barədə söhbət açılmış,atasına və qohumlarına başsağlığı verilib.
Şəhidin ailə üzvləri və yaxınları şəhid ailələrinə göstərilən diqqət və qayğıdan razılıqlarını ifadə edərək buna görə Prezident, Ali Baş Komandan cənab İlham Əliyevə, Birinci vitse-prezident Mehriban Əliyevaya minnətdarlıqlarını ifadə ediblər.
Qeyd edək ki,Baş leytenant Ağaqardaş Abbasov 28 sentyabr 2020-ci il tarixində Füzuli istiqamətində düşmənin snayper gülləsinə tuş gələrək qəhrəmancasına şəhid olub.O, Vətən müharibəsində göstərdiyi igidlik və qəhrəmanlıqlara görə Azərbaycan Respublikası Prezidenti, Ali Baş Komandan İlham Əliyev tərəfindən “Vətən uğrunda”, “İgidliyə görə” və “Füzulinin azad olunmasına görə” medalları ilə təltif edilib.
Allah rəhmət eləsin!